In dem namen vnsers herren amen. Allen den, die disen gegenwrtigen brief lesint alder ho^erint lesin, den || kvntde ich swester Engilbvrch dv aebtissinne vnd^a) alle der convent von Maggino^vwe¹, dc wir dem gotshvse || ze sante Gallen han gegebin mit allem rehte in den obern hof ze Stamhein² vron Adilheide Diethelmis || wirtenne von V^orshvsin³ vnd irv kint, dc sv in den selbin hof ho^erin svn nach hove lvte rehte. Wir verzihin vnz och vnd herre V^olrich der Giel⁴ aller anesprache vmbe die selbvn vro^vwn vnd vmbe irv kint ewelich. Dc wir staete behalten, dc da vor gescriben ist, dar vber han wir disin brief gesigilt mit vnsers closters insigel zeinem staeten vrkvnde^b). Dirre brief wart gegebin ze Maggino^vwe, anno domini M°.CC°.LXXXXIII°. in octava sancti Andree apostoli.

Source Fulltext: Chartularium Sangallense IV, Nr. 2326, S. 423-424.