Allen dien, die disen gegenwrtigen brief sechent oder^a) lesen, kunden wir Elsabetha du greuinne von Honberg || vnd fro^vwe ze Raprehtswiler¹, daz wir ein vorderunge vnd ein ansprache hatton gegen dem goteshus von dien Einsidellen² || vmb den meigerhof ze Britton³ vnd vmb du gu^eter ze Vinsterse⁴ gegen lênes rechte. Wand wir nv an wizzigen || luten vns des ervarn han, daz wir an dien selben gu^etern nicht rechtes haben enkeinen wek, so han wir vns encigen mit vnserm vogte graven Friderich von Toggenburg⁵, der vns in dirre sacha mit vrteilde gegeben wart, vnd mit Wernher, Rv^odolfe vnd Ludwige vnsren kinden⁶ aller der vorderunge vnd aller der anspracha, so wir dekeinen wek von dekeiner slachte sache gegen dem vorgenanden^b) gotshus vmb du selben gu^eter haben mo^echtin. Vnd daz daz vôrgeschnben gotshus deste sicherre si iemer me, so han wir gesworn ze den heiligen einen gestaboten eit, daz wir du vorgenanden gu^eter niemer me geuorderen noch angesprechen von dekeiner hande rechte vor geistlichem noch vor weltlichem gerichte. Daz dis stête belibe, so geben wir du vorgenande Elsabeta disen gegenwrtigen brief dem vôrgenanden gotshus besigelt mit vnserm insigel ze einem offennen vrkunde. Dirre brief wart gegeben ze Zvrich, do von gots geburt waren zweihundert vnd nvncig jâr, dar nach in dem dritten iare, an dem fritage vor sant Cecilivn mes, do ze gegene waren her Heinrich von Kloton⁷, her Růd. von Bekenhouen⁸, her Johs. Futschi, her Rv^edger von Werdegge⁹ rittera, Hug Brvno, Heinr. a dem Tvrne, Arnold sin vetter, her Wernh. Biberlin, Jacob der schultheize von Raprechtswiler¹⁰, Johs. der Schupher vnd ander biderbe lute.

Source Fulltext: Chartularium Sangallense IV, Nr. 2321, S. 418.