Willeh(elmu)s dei gratia abbas, . . prepositus, . . decanus, . . custos totusque con||ventus monasterii sancti Galli ordinis sancti Benedicti Constantiensis dyocesis universis || hanc litteram inspecturis fidem presentibus adhibere. Noverint universi, ad || quos presentes pervenerint, quod nos condicionem ecclesie nostre volentes facere meliorem, de communi consilio et consensu ius proprietatis possessionum sitarum in Cluftern omnium et homines infrascriptos videlicet Maehthildim uxorem H. dicti Bont, Adilhaidim dictam Tydellerin, Adilhaidim et Gůtam sorores de Vischebach¹, Maehthildim filiam Cůnr. fabri de Cluftern eisdem possessionibus pertinentes cum omni prole sua genita et gingnenda, quas vel quos Cůnradus de Hermestorf iunior a nobili viro Swigero de Teggenhusen et ille a nobis in feodum tenuit et possedit, cum per eum seu ipsas possessiones aut homines parum utilitatis nostra ecclesia fuerit consecuta, venerabilibus in Christo . . abbati et conventui monasterii in Salem ordinis Cyster(ciensis) Constantiensis dyocesis ob dilectionem specialem, qua erga eosdem movemur, tradidimus et donavimus in perpetuum libere possidendum cum hominibus antedictis, ita sane, quod dicti abbas et conventus de Salem singulis annis in festo beati Galli dimidiam libram cere de dictis possessionibus et hominibus iure emphiteotico ecclesie nostre solvere teneantur. Reis nunciamus igitur pro nobis nostrisque, qui pro tempore fuerint, successoribus omni iuri tam in genere quam in specie, quod nobis competebat vel competere videbatur in possessionibus et hominibus prenotatis. Et in evidenciam premissorum ipsorumque incommutabilem firmitatem hanc litteram sigillis nostris fecimus communiri. Dat. et act. apud sanctum Gallum, anno domini M°.CC°. nonagesimo quarto, kl. febr. indict. VII^a.

Source Fulltext: Chartularium Sangallense IV, Nr. 2330, S. 426-427.