Wir Elizabet greuin von Ho^vnberg vnd fro^vwa von Raprecht(swile)^a)1 kvnden allen, deⁱ disen breⁱf sehent oder horent lesen, das || Johannes von Wagen² vnd swester Geri sin swester vnser burger von Raprecht(swile)^a)3 vmb ir eⁱrbteil, den si an in vordrot, leⁱblich vnd || minneklich vberein sint komen, das er ir ierlich geben sol fvnf schefol go^vtes kernen vor sant Martis mes, deⁱ wil so si || lebet, vnd sol o^vch ir geben acht phvnt phenningen, zweⁱ phvnt ze sant Martis mes des neⁱsten, dar nach ze weⁱnach o^vch zweⁱ phunt vnd ze iare ze den selben tagen dv andren veirv. Vnd das er das verricte ze den ziten, als ers gelopt hat, so hat er ir geben dise gisele: C. den Banwart von Raprecht(swile)^a), R. den amman von Gre^vningen⁴ vnd B. von Wagen, deⁱ hant ir gelopt rect giselschaft ze Raprecht(swile)^a) sich ze antwurtenne bi ir trvwe vnd dannan neimer ze komenne, e das si gewert wirt, als davor geschriben ist. Vnd wer das, das der gisel deheiner nit were, so sol er ir ein andren geben inrob veirzehen necten, oder deⁱ andren zwene svn sich antwurten in deⁱ giselschaft, vnzit das der dritte geben wirt. Vnd sol oⁱch Jo. vnd sin erben deⁱ selben gisel von allem schaden wisen. Er hat ir o^vch geben drv stuki gelz ze Wurenspach⁵, deⁱ si von ir vatter dar bracht hat, deⁱ von vns lêen sint, das selbe go^vt han wir ir eigenlich geben, also das si mit dem selben go^vte schafe vnd teⁱge, als das ir wille si, geben^b) manne oder wibe geⁱstlich oder weltlich. Wand sol o^vch das wissen, das swester Geri dv vor genande sich enzihen hat gegen ir bro^vder vmbe dis go^vt alles, des si warten solte von ir vater^c) erbschaft. Vnd das dis stete belibe, so hein wir ze ir beider bette disen breⁱf besigelt offenlich mit vnserem ingesigel. Dis beschac ze Raprecht(swile)^a) vf der burg, do zegegen waren dise gezuge: her R. der lutpreister, . . der Wiso von Zurich phaffe, Ja. der schultheize von Raprecht(swile)^a)6, . . der scho^vlmeister, Jo. der schriber, R. von Hasla⁷, V^oI. Banwart, Bur. Le^vdegast, H. der amman, Possinkon, Boni, Vischili vnd ander genoge, do von gottes geburte waren zwelfhvndert vnd veir vnd nvnz iar, an dem samstage nach des heiligen kruces mes ze mittem herbste.

Source Fulltext: Chartularium Sangallense IV, Nr. 2356, S. 442-443.