Hainricus dei gracia Constan(ciensis) episcopus¹ omnibus presencium inspectoribus salutem et in domino caritatem. Noveritis, quod vir discretus Cůnradus de Sumeri² civis Constan(ciensis) sue volens prospicere saluti ex decima hůbe dicte dez Ruhen hůbe et duabus scopossis eiusdem Ruhen et predii, quod Cůnr. et Růdolfus dicti hern Huges fratres de Tegerwil³ colunt, quam utique decimam Lutfridus de Gotluben⁴ tenet in feodum a nostra ecclesia Constan(ciensi), ab V^olrico et Alberchto de Klingenberg⁵ nostris fratribus, Růdolfo et Hermanno de Sulzberch⁶ fratribus^a) militibus de nostro consensu et militum eorundem unum modium tritici et duos modios avene census annui pro certa quantitate pecunie conparavit et eundem censum altari sancti Johannis ewangeliste, quod est in nostra Constan(ciensi) ecclesia, contulit et donavit. Ita videlicet, ut universi eiusdem decime site in banno ville Tegerwil possessores dicto altari prefatum censum singulis annis solvant, ut ex eo in oleum commutato lumen iamdicto altari perpetuo ministretur, quod per totam noctem et usque ad consumacionem misse, que ibidem celebratur in ortu diei, iugiter ardeat coram eo ac uno die iuxta quod instituerit missa^b) pro salute vivorum, quamdiu vixerit, et cum decesserit, eius anniversarium celebretur huiusmodique census per manum et consensum tam nostrum quam predictorum militum sacerdoti ipsum altare officianti in divinis nomine ipsius altaris est libere resignatus. Et in premissorum testimonium presens scriptum est sigilli^b) nostro et predictorum militum sigillatum. Nos V^olricus et Alberchtus de Klingenberch, Růdolfus er^c) Hermannus de Sultzberch milites prenotati in premissorum testimonium nostris sigillis sigillavimus presens scriptum. Datum et actum Constan(cie) anno domini^d) M°CC°XC° quinto, kal. marcii, indict. VIII^a.

Source Fulltext: Chartularium Sangallense IV, Nr. 2371, S. 454-455.