Elyzabet dei gratia abbatissa totusque conventus monasterii Thuricensis¹ omnibus presentem litteram inspecturis subscriptorum noticiam cum salute. || Expedit facta presentia scripturarum indiciis perpetue memorie commendari, ne per lapsum temporis oblivionis dedita caligini perire possint aliquattenus || vel extingwi. Noverint itaque universi tam posteri quam presentes, quod cum iamdudum inter honorabilem in Christo Cůnradum dei gratia abbatem monasterii || Campidonensis² quondam se gerentem pro abbate monasterii sancti Galli nomine ipsius monasterii sancti Galli cum consensu et voluntate totius conventus eiusdem de persona Cůnradi dicti a der Schuphi³ pertinente predicto monasterio sancti Galli nobiscum permutacionem fecerit⁴ pro persona Cůnradi dicti Traber nostro monasterio pertinente et eadem per mutacio dictorum hominum inter nos hincinde sit facta mutuo ex consensu, ita videlicet, ut prelibatus Cůnradus a der Schuphi nostro monasterio Thuricensi perpetuo debeat pertinere et Cunr. dictus Traber memoratus antedicto monasterio sancti Galli vice versa debeat perpetuo pertinere, occasione et pretextu permutacionis eiusdem hincinde legittime per nos facte, considerantes hincinde tam predictus dominus Cůnr. quondam se gerens pro abbate monasterii sancti Galli quam etiam nos, ex permutacione dictorum hominum per nos vicissim facta utilitatem utriusque monasterii fore plenius procreatam, nos attendentes et recognoscentes permutacionem dictorum hominum nobis et nostro monasterio Thuricensi esse utilem et ob utilitatem dicti nostri monasterii esse factam, Cůnradum dictum Traber antedictum cum omni iure, quo ipse nobis seu nostro monasterio pertinuit, reverendis in Christo Wilhelmo dei gratia abbati⁵ et conventui antedicti monasterii sancti Galli vice et nomine ipsius monasterii ac ipsi monasterio sancti Galli in reconpensam sepedicti Cůnradi dicti a der Schuphi tradimus et donamus habendum, tenendum et libere sine cuiusvis contradictionis obice possidendum, diligenti inter nos tractatu prehabito, qui in huiusmodi donacionibus habendus est et premittendus iuxta canonicas sanctiones, adhibita^a) per nos in donacione sive tradicione dicti Cv^onr. sic per nos facta verborum ac gestuum sollempnitate debita^b) et consweta, omneque ius, quod nobis in persona dicti Cůnr. Traber seu nostro monasterio competebat, a nobis scriptis presentibus abdicamus, renunciantes tam pro nobis quam pro nostris qui pro tempore fuerint successoribus^c) omni iuri, quod nobis in persona supradicti Cůnr. dicti Traber aut nostro monasterio competiit aut competere videbatur. In cuius rei evidenciam huic instrumento sigillum nostre Elizabet dei gratia abbatisse prelibate, quo et nos conventus dicti monasterii utimur in hac parte, huic instrumento duximus appendendum. Dat. Thuregi anno domini M°.CC°.LXXXX°V°. V°. kl. marcii, indic. VIII^a.

Source Fulltext: Chartularium Sangallense IV, Nr. 2370, S. 453-454.