Omnibus presentium inspectoribus Erberhardus^a) nobilis de Burgelon¹ miles rei geste notitiam cum salute. Ne lites amicitia vel concordia terminate || processu temporis in recidive questionis scrupulum relabantur, expedit ea scripturarum testimonio perennari. Noverint igitur tam posteri quam presentes, quod || ego Eberhardus predictus super lite et questione iam dudum motis inter me ex una et magistrum Johannem de sancto Gallo², magistrum Hainricum, Johannem || et Hugonem filios eiusdem Johannis supradicti ex parte altera super decima in O^enigishoven³ mediantibus honorabilibus et discretis viris magistro Walthero de Scafusa officiali curie Constantiensis⁴ et V^olrico de Bodemen canon(ico) Constantiensis ecclesie⁵ communi consensu et spontanea voluntate taliter sumus et fuimus complanati, quod remissa actione, quam idem magister Johannes et sui liberi contra me super fructibus acceptis a dicta decima habuerunt, ego Eberh. pro me et meis heredibus omni iuri et actioni, si qua michi competierunt ac competere potuerunt, renuntiavi et cessi ad manus dicti domini officialis recipientis huiusmodi cessionem et renuntiationem vice et nomine predictorum, promittens fide data pro me et meis heredibus eisdem magistro Johanni et suis heredibus molestiam, gravamen aut iniuriam decetero in dicta decima aut eius fructibus sive iuribus non inferre nec inferenti consentire in iudicio vel extra nec aliquid facere de iure vel de facto, per quod eisdem circa premissa posset dampnum aut preiudicium aliquod generali. In cuius rei testimonium presens instrumentum sigillis predictorum domini . . officialis et V^olrici de Bodemen cum proprio sigillo eisdem magistro Johanni et heredibus suis tradidi communitum. Datum et actum Constantie, anno domini M°.CC°.LXXXX°. quinto, VI°. idus iul. indic. VIII^a. Presentibus testibus infrascriptis, videlicet domino Hainr. nobili de Griessenberch^b)6, magistro Johanne dicto Phefferhart canonico sancti Stephani in Constantia⁷, magistro Ber. de Stain⁸, magistro H. de Tuwingen⁹, magistro C. de sancto Gallo et V^olrico dicto Burst et aliis quam pluribus fidedignis.||
Nos . . officialis curie Constantiensis sigillum curie Constantiensis et ego V^olricus de Bodemen sigillum proprium cum sigillo dicti Eber. ad petitionem ipsius Eber. in premissorum evidentiam presenti instrumento apponi fecimus et appendi.

Source Fulltext: Chartularium Sangallense IV, Nr. 2379, S. 458-459.