Nos Will(el)mus dei gratia abbas¹ monasterii sancti Galli universis Christi fidelibus presens scriptum intuentibus subscripte rei noticiam et salutem in domino sempiternam. Quia hominum memoria labilis est et frequenter propter hu||mane conditionis fragilitatem testes super contractibus, collationibus, infeodationibus aliisque negociis inducti dicta sua ob diurnitatem^a) temporum et oblivionem variare consueverunt, ideoque ne acta hominum perversorum maliciis calumpni||ari valeant et ne falsis machinationibus pervertantur, cautum est ea ad perpetuam firmitatem scripturarum testimonio perhennari. Noverint igitur, quos nosce fuerit opportunum, quod cum Jacobus filius quondam Jacobi de Ra||nbach sculteti de Raprechtswile² legittimos attingens annos alieque sue filie unâ cum suo advocato seu tutore Petro de Ranbach³ advocatiam et omnia sua bona in villa dicta ze Bv^ele⁴ reddencia singulis annis pro debito censu triginta sol. denariorum Thvricensium minus XVIII denariis, duos modios tritici et unum quartale ac novem quartalia avene, et advocatiam unius^b) curie in Vnderbach⁵ solventem tantum singulis annis unum modium tritici iure hereditario a nobis nostroque monasterio pro annuo censu possessa, que ad nos ratione nostri monasterii titulo proprietatis pertinere dinoscuntur, cum omnibus suis pertinenciis et iuribus universis videlicet censibus et aliis iuribus, quocumque nomine seu titulo censeantur, ad nostras manus rationabiliter, sponte et libera^c) resignarint, pecierunt humiliter et devote, ut advocatiam predicte ville et curie et bona reverendis in Christo dominis ac canonicis divina permissione . . abbati et conventui monasterii in Rvti⁶ Premonstratensis ordinis Constantiensis dyocesis concederemus et nostra auctoritate confirmaremus. Nos igitur diligenti deliberatione, consilio et consensu quorum intererat prehabito prefatorum puerorum et tutoris precibus inclinati prelibata bona ze Bv^ele et advocatiam ibidem necnon advocatiam unius curie in Vnderbach cum omni iure ipsa bona a transactis temporibus contingente prenominatis dominis . . abbati et conventui in Rvti sub annuo censu videlicet unius dimidie libre cere, quod in vulgari dicitur cinslehen, concessimus et contulimus et sub presencium testimonio litterarum concedimus et conferimus rite et legittime sine qualibet exactione et onere quiete et pacifice perpetuo possidenda, adhibita nichilominus in dicta collatione seu concessione nostra verborum et gestuum sollempnitate debita et consueta. Debent etiam supradicti domini prenominatum censum solvere in festo beati Galli. In horum itaque evidenciam et testimonium et maioris certitudinis firmitatem, ne prefati domini . . abbas et conventus in hac legittima et legali collatione et concessione in posterum a quoquam ausu nefando seu maligno possint^d) aliquatinus occasione alicuius facti vel altercationis molestari vel calumpniari, et ut etiam supradicta omnia ac singula aput nos rata et grata ac illibata permaneant, hoc presens instrumentum sepedictis dominis nostri sigilli munimine tradidimus et tradimus confortatum et, siquid minus habet firmitatis, nostra auctoritate confirmamus. Datum et actum aput sanctum Gallvm, anno domini M°.CC°.LXXXXVII°. VIII. kal. octobr., presentibus testibus subnotatis videlicet domino H. preposito Curiensis ecclesie⁷, domino R. de Landenberg⁸ et domino Re^vdegerro de Werdegga⁹ militibus, Walthero dicto Lesti, Cho^vnrado ministro¹⁰, H. de Thaningen¹¹, Cho^vnrado Camerario¹² et H. de Lindenberg¹³ et aliis quampluribus fidedignis.

Source Fulltext: Chartularium Sangallense IV, Nr. 2434, S. 499-500.