Intendit probare H. prepositus monasterii sancti Galli nomine monasterii eiusdem contra C. de Grv^onburg, quod curia in Mvnolvingen et decima maior eiusdem curie pertinent monasterio sancti Galli. § Item quod ipsum monasterium in dicta curia et in decima maiori singulis annis habet redditus centum malterorum et viginti sex in frumento et fabis. § Item quod nomine iuris, quod fulgariter^a) dicitur vihlo^esi, singulis annis ipsum monasterium habet in eadem curia in redditibus unam libram denariorum Prisg.^b) § Item quod monasterium fuit in possessione eiusdem curie et decime et iure percipiendi redditus eosdem. § Intendit probare, quod decime in Tainingen et in Wighain, in Emingen, in Pforrem^c), in Wesdorf, que fulgariter^a) dicuntur portzehende, pertinent monasterio sancti Galli. Item quod eedem decime reddunt et reddere consueverunt viginti sex maltera communis frumenti. § Item quod ipsum monasterium fuit in possessione earundem decimarum et in percipcione^a) reddituum ipsarum. § Item quod notorium est et publica vox et fama de hoc est, quod predicta bona omnia vide licet curia in Mvnoluingenet decima maior eiusdem curie et decime antedicte pertinent ipsi monasterio et quod monasterium fuit in possessione percipiendi redditus earundem^a) bonorum. § Item intendit probare, quod C. de Grv^onburg predictam curiam et decimas antedictas sibi usurpavit recipiendo iam plus quam viginti quinque annis redditus et census earundem decimarum et curie. § Item quod summa perceptorum se extendit ad summam duorum milium malterum^a) et quingentorum mensure in Nidingen et viginti quinque librarum denariorum Prisg.^b), nec astringit se ad probandum singula, sed ad ea, que sibi sufficiunt pro sua intencione, ad quod probandum inducit hos testes.||
§ Rv^ommo quondam abbas monasterii sancti Galli¹ testis iuratus etc. deponit, quod curia in Mvnoluingen et decima maior eiusdem curie pertinent monasterio sancti Galli, certum numerum reddituum ignorat, sed dicit, quod ipse numerus registracionis in registris² ipsius monasterii, de iure, quod fulgariter^a) dicitur vihlo^esi, et de eiusdem redditibus nichil novit, dicit etiam, quod ipse recordatur et seit, quod idem^a) redditus decimarum videlicet curie et decime pertinent ipsi monasterio et quod frumentum et alii redditus earundem presentari solebant ad civitatem dictam Ratolfzelle³, deinde ducebantur ad villam Staina⁴ ibique erat domus deputata, in qua deponabatur^a) specialiter idem frumentum, et dicit, quod ipsum monasterium in vera possessione fuit et quod ipse personaliter aliquando recepit et percepit a dicta curia^d) pannos, qui fulgariter^a) dicuntur watspende, dicit etiam, quod dicti redditus pertinent omni^e) prebende monasterii sancti Galli, dicit etiam, quod quondam abbas Ber.⁵, cum decedere vellet, convocavit omnes confratres, inter quos et ipse erat, et protestabatur publice, quod ipse de possessionibus sitis in der Bare⁶ pertinentibus monasterio numquam aliquas tunc temporis habuerit obligatas. Item dicit, quod decime in Tainingen, in Wighain, in Emingen, in Pforren, in Wesdorf, que fulgariter^a) dicitur^a) portzehend, pertinent monasterio sancti Galli, et quod ipsum monasterium fuit in possessione earundem, et eo tempore, quo ipse prefuit abbacie, H. portenarius⁷ eiusdem monasterii sancti Galli percepit easdem decimas et redditus earum, de numero reddituum nichil novit, dicit etiam, quod ipsis possessionibus bonis et redditibus notorium est, quod pertinent monasterio sancti Galli.||
§ H. portarius⁷ monasterii sancti Galli testis iuratus etc. deponit, quod curia in Mvnolvingen et decima maior pertinet monasterio sancti Galli cum omnibus sibi annexis. Requisitus, unde hoc sciat, dicit^f), quod ipse multocies recepit ibidem mortuaria ab hominibus annexis curie, et quod C. exigebat plura servicia ab eis, et quod notorium est, quod ipsa curia pertinuit a retroactis temporibus ipsi monasterio, sed quod monasterium aliter unquam perceperit fructus et redditus decime curie et decimis^a) vel aliter in possessione fuerit, ignorat, nisi quod intellexit, quod ipsi redditus pertinent ad communem prebendam et quod ipsi redditus deberent assignari in Zella Ratolfi, et quod ius patronatus adhuc annexum curie est et pertinet ipsi monasterio, de redditibus dictis vihlo^esi nichil scit, de numero reddituum concordat cum proximo. Item dicit, quod^g) decime in Tainingen, in Wighain, in Emmigen, in Pforre, in Wesdorf, que fulgariter^a) portzehende nuncupantur, pertinent monasterio, et quod ipse contulit personaliter ipsas decimas C. de Grv^onburg, dicit etiam, quod omnes iste decime iam dicte solvunt quatuordicim^a) maltera mensure in Nidingen. Item dicit, quod monasterium est in possessione earundem, quia ipse contulit eidem C. pro anuo^a) censu. Item dicit, quod ipse de Grv^onburg per longa intervalla temporum ocupaverit predicta bona, summam reddituum ignorat, ut etiam detentorum.||
§ Walth. canonicus sancte Fidis⁸ testis iuratus etc. dicit, quod ipse hoc sepius intellexit, quod notorium est, quod ipsa curia ze Mvnoluingen cum iure patronatus aliis sibi annexis pertinuit monasterio sancti Galli, et quod intellexit, quod ipsum monasterium aliquando fuit in percepcione eorundem reddituum, de decimis in Tainingen, in Wighain, in Emingen, in Pforren et in Wesdorf nec etiam de aliis nichil novit, nisi quod dicit, se interfuisse illi protestacioni, quam dominus abbas Ber. fecit, prout supradictum est, et in hoc concordat cum Rv^omone teste prelibato.||
§ Hvgo de Dv^orhain testis iuratus etc. monachus⁹ monasterii sancti Galli deponit, quod ipse scit, quod curia in Mvnoluingen et decima maior^h) iur(e) patronatus et aliis sibi annexis pertinet et pertinuit monasterio sancti Galli. Requisitus, unde hoc sciat, dicit, quod ipse vidit redditus eorundem per quendam dictum C. de Roschach¹⁰, qui minister fuit quondam domini Walth. abbatis¹¹ monasterii sancti Galli, presentari aliquociens apud monasterium sancti Galli, et quod abbas de eisdem redditibus ministravit et tribuit prebendas in ipso monasterio lapbunoilorum^a) maiorum, de aliis circumstanciis no^a) novitⁱ⁾. ||
§ H. de Dvrhaim monachus¹² monasterii sancti Galli testis iuratus deponit, quod ipse nichil scit, nisi quod habet ex relatu Hvg. fratris sui, unde per omnia cum eodem concordat, nisi quod adicit esse notorium supradictas possessiones bona et redditus pertinere monasterio sancti Galli.||
§ V^olr. de Drupurg camerarius¹³ monasterii sancti Galli testis iuratus etc. deponit, quod curia in Mvnoluingen cum omnibus suis annexis pertinet monasterio sancti Galli, de decima maiori eiusdem curie ignorat, certum eciam numeram reddituum et de aliis circumstanciis nichil novit, nisi quod ipsum monasterium fuit in possessione earundem aliquando, prout intellexit, et quod portarius ipsius monasterii solebat ibidem recipere mortuaria et alia iura et servicia exigere ibidem ab hominibus eiusdem curie, dicit etiam, quod hoc seper^k) fuit notorium, quod dicte possessiones cum suis annexis pertinuerunt ipsi monasterio, de aliis nichil novit.||
§ Walth. dictus Zwikke testis iuratus etc. deponit, quod temporibus vite sue id intellexit, quod curia in Mvnoluingen cum omnibus suis annexis et iuribus quibuscumque censeantur nominibus pertinuerint monasterio sancti Galli, de decima maiori nichil scit, summam reddituum non novit, nisi quod quidam dictus Gebiet rusticus ibidem sepius dixit sibi ea omnia pertinere monasterio sancti Galli et certum numerum reddituum, sed ipse non audivit nec memorie commendavit, et de iure^l) vihlosi nichil scit, dicit et^m) quod sepius intellexit, quod redditus presentabantur in Zella Ratolfi tempore sui, de possessione aliud non novit, dicit etiam, quod notorium est et fuit dictas possessiones et redditus pertinere ipsi monasterio, de aliis nichil novit, nisi quod C. de Grvnburg diu ocupavit possessiones et redditus. ||
§ R. de Roschach¹⁴ rector ecclesie in Mvnolvingen testis iuratus etc. deponit, quod intellexit tam a sacerdotibus quam ab aliis senioribus subditis suis, quod curia in Mvnoluingen cum iure patronatus et aliis sibi annexis necnon cum deci[ma] maioriⁿ⁾ semper a retroactis temporibus pertinuit monasterio sancti Galli, et quod ipse presentatus fuit^o) ad eandem ecclesiam per dominum . . abbatem dicti monasterii, hoc etiam intellexit, quod C. de Grv^onburg ocupat eadem bona nomine pignoris ita videlicet, quod ipsi redditus in^p) possessiones devolute fuerunt ad eum per mortem quondam sui cuiusdam patrui¹⁵, qui ipsas titulo pignoris possedit a monasterio sancti Galli, de aliis nichil novit, nisi quod notorium est dictas possessiones bona et redditus pertinere dicto monasterio.||
§ V^olr. dictus Lopach prebendarius sancti Leonah.^a)16 testis iuratus etc. deponit, quod temporibus suis nichil aliud novit, nisi quod dicta curia Mvnolvingen et decima maior eiusdem^q) cum iure patronatus et omnibus aliis sibi annexis pertinuit monasterio sancti Galli, hec ex relatu intellexit, aliud nichil novit. ||
§ Walth. Lestingus rector ecclesie in Herisowe¹⁷ testis iuratus etc. concordat per omnia cum proximo, adiciens, quod dicto de Grv^onburg questio mota fuit a venerabili domino . . abbate Wilnh. dei gratia, et quod ipse semper petivit et obtinuit terminos super dictis possessionibus et redditibus.||
§ Reverende domine officialis. Noveritis, quod nos Ber. incuratus ecclesie sancti Laurencii¹⁸ et Johannes doctor puerorum¹⁹ apud sanctum Gallum secundum mandatum per vos nobis iniunctum et commissum hos testes diligenter examinavimus proxima feria tercia post dominicam Invocavit²⁰, et partem adversam ad eundem terminum citavimus ad videndum iuramentum testium, sed ipse non comparuit nec pro se misit. Has igitur attestaciones interclusas nostris sigillis fideliter transmittimus.

Source Fulltext: Chartularium Sangallense IV, Nr. 2445, S. 508-511.