Universis Christi fidelibus, ad quos presentes pervenerint, nos C.^a) abbas ecclesie in Vischinvn¹ ordinis sancti Benedicti subscriptorum noticiam cum salute. || Evidens utilitas et usus hominum approbatus introduxerunt scripturis temporalia fidelium gesta perhennari, ut a futuris calumpniis preserventur et ne per fraudem || et labilitatem humanam contractus seu permutationes initi vicientur. Noverint igitur, quos nosce fuerit opportunum, quod cum dilecta in Christo dicta O^ethka Me||ierin de Trongen² pratum suum dictum der Awachs in der Wo^eri³ ad nostram ecclesiam iure proprietatis spectans reverendis in Christo dominis . . abbati et conventui monasterii in Rvti⁴ pro agro suo dicto in der Bvnte⁵ in Brameshoven⁶ titulo permutationis pro suo comodo contulerit et donaverit idemque pratum ad nostras manus legittime resignaverit, peciit devote eidem permutationi et donationi nostrum consensum et assensum expressum interesse. Nos vero deliberatione prehabita predicte mulieris precibus inclinati sibi in dictos dominos permutandi et transferendi pratum predictum cum omni iure liberam tradidimus et tradimus facultatem et presentibus indulgemus, idemque pratum cum universis iuribus suis ipsis dominis sub presencium litterarum testimonio contulimus et presentibus donamus legittime sine omni onere quiete et pacifice iure proprietatis perpetuo possidendum. Illud quoque sciendum, quod hec permutatio pro alterutra utilitate et comodo ex iuris beneficio est facta. Ne autem ex eorum conmercio nostra ecclesia sua proprietate privaretur, cupientes indempnem reddere, prefati domini proprietatem predicti sui agri in recompensationem nostri prati nobis contulerunt et libere resignarunt. In horum itaque testimonium et evidenciam, ne prefati domini super hac permutatione et collatione possint aliqualiter in posterum molestari seu calumpniari a nobis seu aliis quibuscumque, sed ut rata, grata et illibata permaneant, hoc presens instrumentum ipsis dominis nostri sigilli munimine tradidimus et tradimus communitum. Datum et actum in Trongen presentibus hiis testibus videlicet H. dicto Ble^odli, V^oI. Bvman, C. dicto Vorster de Betwise⁷, Deitrico der Smi^vden de Trongen, Jo. et H. dictis in dem Hove, H. Molitore, Eberhardo dicto ze der Rebun, Ber. dicto Strâsman et Ber. dicto Waltisholzer, anno domini M°.CC°. LXXXXVIII°. VI. idus maii, indict. XIII^a.^b)

Source Fulltext: Chartularium Sangallense IV, Nr. 2446, S. 511-512.