Wir Albr. von gots^e gnaden hertzog ze Osterr. ze Steyr vnd ze Kernden¹ tu^en chunt, das wir angesehen || haben di^e getrewn willigen dienst, di vns vnd vnsern erben der edel graf Fridr. von Tokenburg² vnd || sin erben getan habent vnd ouch hin fu^erbas tu^en mugen vnd sullen, vnd haben im vnd sinen erben || ze rechtem lehen verlihen vnd lehen ouch vnser vest Martzenins³ mit alle dem, so darzu geho^ert, also daz er vnd sin erben vns vnd vnsern erben vnd vnsern vo^egten an vnsrer stat mit derselben vest Martzenyns sulln ewichlich vnd wider aller mênchlich wartent vnd gehorsam sein, dar in vnd dar aus ze lazzen zu^e allen vnsern vnd vnsers landes notdu^erften, swann wir vnser erben oder vnser vo^egt von vnsern wegen daz an siw vordernt. Mit v´rkund ditz brifs besigelten mit vnserm grozzem anhangendem insigel. Der geben ist ze Pruk⁴ in Argow^e an vritag nach sand Michels tag nach Kristes gepurd dreutzehen hundert iar, darnach in dem vir vnd fumftzigistem jar.

Source Fulltext: Chartularium Sangallense VII, Nr. 4374b, S. 555-556.