Ich^a) Burkart der Húss zem Woflins¹ gesessen tůn kunt vnd vergih offenlich fúr mich vnd fúr min erben vor aller ma^enclich mit disem brief allen den, die in ansehent lesend || oder ho^erend lesen, das ich mit wolbedahtem sinne vnd mit veraintem willen vnd můt reht vnd redlich verko^vft vnd zeko^vffend geben ha^vn ze ainem sta^eten vnd ewigen ko^vff fúr vn||anspra^echig vnd fúr reht lehen von dem erwirdigen herren dem apt des gotzhus ze sant Gallen dem ersamen vnd wolbeschaidenn man Petern dem Schmit, den man nempt || Peter an der Haldun, burger ze Wangen² vnd allen sinen erbun, ob er enwa^er, dú nâhbenempten minú gu^eter, des ersten min gůt zem Woflins gelegen in dem Rain, da Peter Howenschilt hiut ze tag uff sitzt, daz selb gůt stosset an Herppen des Tags sa^elgen kint gůt, vnd den selben Peter Howenschilt mit sim lib vnd mit sim gůt vnd sinú kind ha^elbú, vnd daz gůt gelegen zem Woflis bi dem bach, daz wilund des Roten was, vnd daz gůt, daz och gelegen ist zem Woflis aller na^ehst an min des vorgenanten Hússen sedel hof, da Hans Resch, den man nempt den Pfiffer, hiut ze tag uff sitzt, vnd ha^vn im vnd sinen erben diu vorgeschribenn gu^eter a^ellú geben ains redlichen ko^vfs, als vorbeschaiden ist, mit allen rehten nútzen vnd zů geho^erden, es sy an holtz an veld an aker an wis an waid an ôwen an grút an wasen an zwy^ an wasser sta^endern oder fliessendem vnder erd ald ob erde besůhtz oder vnbesůhtz benemptz oder vnbenemptz vmb a^vn zwai sybentzig pfunt pfenning gůter vnd gena^emer Costentzer múns, der ich gar vnd ga^entzlich von im gewerot vnd nâch minem willen betzalt bin vnd die anderschwa in minen redlichen nutz vnd an min notdurft komen vnd bewent sint, vnd wan dú vorgeschribenn gu^eter a^ellú vnd der obgenant man Peter Howenschilt lehen sint von dem erwirdigen herren dem apt des gotzhus ze sant Gallen, so ha^vn ich dem vorgenanten Peter dem Schmit dú obgenanten gu^eter a^ellú vnd den vorgenanten man mit allen rehten gevertiget vnd von dem lehenherren in sin hand braht mit worten vnd mit werken, die nâch gewonhait vnd nach reht dar zů gehorten vnd geho^eren soltend vnd wie es wol kraft vnd maht haben mag vnd ha^vn sol, vnd dar umb so sol ich der vorgenant Burkart der Hússe vnd mit mir all min erben des obgenanten Peter des Schmitz vnd siner erbo uff dú vorgeschribenn gu^eter vnd uff den obgenanten man reht gwern sin nach lehens reht gen ma^enclich uff gaistlichem vnd weltlichem geriht, vnd dar zů ze ainer merer vnd besser sicherhait so ha^vn ich der vorgenant Burkart der Húss dem egenanten Peter dem Schmit vnd sinen erbun vmb den vorgeschribenn ko^vff vnd vff dú obgenanten gu^eter vnd och uff den egenanten man zů mir vnd zů minen erbun ze rehten gweren geben vnd gesetzt die na^vhbenempten ersam man Clausen den Súryen burger ze Wangen vnd Johans den Ahegger ze Ahegg³ gesessen vnd V^olrichen den Hager o^vch burger ze Wangen all dry vnverschaidenlich vnd gen ma^enclich an allen stetten uff allen gerihten gaistlichen vnd weltlichen vnd wa er ald sin erben des bedurfend oder notúrftig sint nach lehens reht, also vnd mit der beschaidenhait, wa^er daz dem vorgenanten Peter dem Schmit, den man nempt Peter an der Haldun, oder sinen erbun dú vorgeschribenn gu^eter gar oder ain tail vnd der egenant man Peter Howenschilt vnd sinú kint ha^elbú iena anspra^echig wrden mit dem rehten uff gaistlichem oder uff weltlichem geriht, da sol ich der obgenant Burkart der Húss oder min erben, ob ich enwa^er, vnd die egenanten gwern ald ir erben, ob||
si enwa^eren, den obgenanten Peter den Schmit vnd sin erben vmb versprechen vnd vertretten nach dem rehten vnd der anspra^vch alweg a^vn schaden tůn, ta^et ich ald min erben vnd die obgenanten gwern oder ir erben des nit vnd wa^er, daz der vorgenant Peter der Schmit ald sin erben, ob er enwa^er, sich selber von der obgeschribnen gu^eter vnd des egenanten mans vnd siner kind halber wegen versprechen mu^estin, es wa^er^b) uff gaistlichem oder uff weltlichem geriht, wie er ald sin erben des selben versprechentz ze schaden ko^emen, den schaden allen, wie der genant oder gehaissen wa^er, sol ich der vorgenant Burkart der Húss ald min erben vnd die obgenanten gwern alle oder ir erben, ob si enwa^eren, dem vorgenanten Peter dem Schmit vnd sinen erbun gar vnd ga^entzlich ussrihten vnd ab tůn a^vn allen schaden, ta^eten wir des nit, so ha^vt der vorgenant Peter der Schmit oder sin erben dar nach vollen gewalt vnd gůt reht, mich den vorgenanten Burkarten den Hússen ald min erben vnd die obgenanten gwern ald ir erben dar vmb an ze grifend ze pfendend vnd ze no^etend mit geriht ald a^vn geriht mit clag oder a^vn clag in stetten oder uff dem land an v´nsren lúten vnd gůten v´ber alle buntnúss lantfrid vnd gesetzt des kaysers der herro vnd der stett, die ietz sint oder noch wrdend, vnd mugend daz tůn alz lang vnd als vil, wis^c) daz dem vorgenanten Peter dem Schmit ald sinen erbun, ob er enwa^er, daz alles uss geriht vnd volfu^ert wirt, a^vn allen schaden. Ich der vorgenant Burkart der Húss vergih och fúr mich vnd min erben, die obgenanten gwern alle vnd ir erben von der vorgenanten gwerschaft ze lo^esend a^vn allen schaden, vnd ob si ir iena ze schaden ko^emen, iren worten vmb den schaden ze gelo^vbend a^vn beredung vnd a^vn ayde. Wa^er och, daz diser gagenw´rtig brief jena gebreschaft wrd in des obgenanten Peter des Schmitz ald siner erbo gwalt vngeuârlich an geschrift an bermit oder an ynsigeln, ald wa^er, daz der ynsigel ains ald me an disen brief nit kaim oder vngeua^erlich dar an brúchig oder misskert wrd, daz alles sol dem vorgenanten Peter dem Schmit noch sinen erbun, ob er enwa^er, ze kainem schaden komen vnd sol in diser gagenw´rtig brief kreftig vnd nútz beliben mit allen stukken búnden vnd artikeln, so hie vor vnd hie na^vch geschriben sta^vnd. Vnd des alles ze ainem warem vnd offemm vrkúnd vnd ze ainer gantzer vnd sta^eter sicherhait aller vorgeschriberr ding so gib ich der obgenant Burkart der Húss dem vorgenanten Peter dem Schmit, den man nempt Peter an der Haldun, burger ze Wangen vnd sinen erbun disen offenn brief besigelt mit minem aygenn vnd angehenkten ynsigel vnd mit der vorgenanten gweren ynsigeln. Wir die obgenanten gwern alle Claus der Súry, Johans der Ahegger, V^olrich der Hager veriehen der obgeschribnun gwerschaft in aller der wis, als vor von v´ns an disem brief geschriben sta^vtt, vnd dar vmb henkend wir v´nsrú aygnú ynsigel o^vch an disen brief. Der geben ward ze Wangen in dem iâr, do man zalt von Christus gebúrt drútzehenhundert iar, da na^vch in dem drú vnd sybentzigosten iar, an dem zinstag in den zehen tagen ze anga^ender vastun.

Source Fulltext: Chartularium Sangallense IX, Nr. 5342, S. 8-10.