Allen den, die disen brief ansehent lesent oder ho^erent lesen, tůn || ich Diettegan der Mayger von Altstetten¹ kund vnd vergich offenlich || mit disem brief, dz mir min gna^ediger herr abt Geori von gottes || gnâden abt des gotzhus ze sant Gallen² geben vnd bezalt hat drissig pfund pfenning Costentzer múns vff disen húttigen tag, alz dirre brief geben ist, an den sehzig pfund pfenning der vorgeschriben múns, die er mir schuldig ward von der rihtung wegen, so wir mit enander getan haben, vnd sagen in sin nachkomen vnd das selb gotzhus ze sant Gallen der vorgeschriben drissig pfund Costentzer quit ledig vnd los mit disem brief. Vnd des ze vrkúnd han ich min insigel gehenkt an disen brief. Der geben ist an dem na^ehsten sunnentag nach vnser frowen tag ze herbst in dem jar, do man zalt von gottes gebúrt drúzehenhundert jar vnd darnach in dem drú vnd sibentzigosten jar.

Source Fulltext: Chartularium Sangallense IX, Nr. 5375, S. 51-52.