Dilecto filio Vlrico Burgower¹ rectori parrochialis ecclesie in Gossow² Constanciensis diocesis salutem etc. Provenit ex tue^a) devotionis affectu, quo nos et Romanam ecclesiam revereris, ut petitiones tuas illas presertim, que anime tue salutem respiciunt, ad exauditionis gratiam admittamus. Hinc est quod nos tuis supplicationibus inclinati, ut confessor tuus, quem duxeris eligendum omnium peccatorum tuorum, de quibus corde contritus et ore confessus fueris, semel tantum in mortis articulo plenam remissionem^b) in sinceritate fidei unitate sancte Romane ecclesie ac obedientia et devotione nostra vel successorum nostrorum Romanorum pontificum canonice intrantium persistenti auctoritate apostolica concedere valeat, devotioni tue tenore presentium indulgemus, sie tamen quod idem confessor de hiis, de quibus fuerit alteri satisfactio impendenda, eam tibi per te, si supervixeris, vel per heredes tuos, si tunc forte transieris, faciendam iniungat quam tu vel illi facere teneamini ut prefertur. Et ne quod absit propter huiusmodi gratiam reddaris proelivior ad illicita imposterum committenda, volumus, quod si ex confidentia remissionis huiusmodi aliqua forte committeris, quo ad illa predieta remissio tibi nullatenus suffragetur. Et insuper volumus, quod per unum annum a tempore, quo presens nostra concessio ad tuam notitiam pervenerit, computandum singulis sextis feriis infirmitate cessante ieiunes. Alioquin presens concessio nullius sit roboris vel momenti. Nulli ergo etc. nostre concessionis et voluntatis infringere etc. Dat. apud Villamnouam³ Auinionensis diocesis V kl. septembr. anno tertio.

Source Fulltext: Chartularium Sangallense IX, Nr. 5372, S. 49-50.