Wir der rât vnd die burger gemainlich der stat ze Wil¹ in Thurgo^e veriehen vnd tu^en kunt offenlich an disem brief allen, die in an sehent lesent oder ho^erent lesen, das wir v´nserm gna^edigen || herren herr Chůn von Sto^effeln probst vnd pfleger des gotzhus ze sant Gallen² von haissens wegen³ v´nsers gna^edigen herren abt Geo^eriien von gottes gnâden des vorgedahten gotzhus || ze sant Gallen⁴ gesworn habin gelert aide zů den hailigen, gehorsam ze sinne ze wartenn vnd ze tu^ende als ainem pfleger, alle die wile vnd er pfleger ist. Bescha^eh aber, das der || selb pfleger abgieng von todes wegen oder verkert oder verstossen wurdi bi v´nsers vorben(empten) herren abt Georiien lebtagen, so sont wir dem vorben(empten) v´nserm herren abt Georiien gebunden sin ze wartenn gehorsam ze sinne vnd ze tu^ende, als wir vormals gesworn habin. Aber alle die wile der vorben(empt) herr Chůn von Stoffelnn pfleger ist, so sint wir v´nserm vorben(empten) herren abt Geo^eriien nút gebunden von der aid wegen, so wir im gesworn habin, ze wartenn noch ze tu^ende, won als verre wir im gebunden sint ze tu^end von vnsern lehen, vnd sol er vns och dabi lassen bliben, als wir bis her komen siien bi im vnd sinen vordem, ân alle geuerd. Bescha^eh aber, das v´nser vorben(empt) herre abt Geo^eri von todes wegen abgieng in dem zit, die wile der vorben(empt) herr Chůn von Sto^effelnn pfleger ist, so sont wir dannenhin nah des selben v´nsers herren abt Georiien tode ainem cappitel gemainlich ze sant Gallen warten vntz an ainen ainweligen abt oder pfleger des vorgeschriben gotzhus, als daher von alter sitt vnd gewonlich gewesen ist. Vnd ze ainer warhait aller vorgeschribener ding, won wir ze disen ziten enkainen schulthaissen habin, so haben wir alle gemainlich ernstlich gebetten die fromen manne Herman von der Braitenllandenberg⁵ vnd Albreht von Llindenberg⁶, das sú ir insigel gehenket hant an disen brief. Darnah veriehen wir die obgenanten Herman von der Braitenlandenberg vnd Albr. von Lindenberg, das wir durch flissiger vnd ernstlicher bett willen des rates vnd der burger gemainlich der stat ze Wil da vorgenant v´nsri insigel offenlich gehenkt hant an disen brief v´ns vnd v´nsren erben in dirr sach gentzlich vnscha^edlich. Der geben ist da selbs ze Wil an dem na^ehsten mentag vor vnsers herren frolicham(en) tag in dem jar, do man zalt von gottes gebúrt drúzehenhundert jar, sibentzig jar, darnah in dem fúnften jar.

Source Fulltext: Chartularium Sangallense IX, Nr. 5460, S. 132-133.