In^a) nomine domini amen. Per hoc presens publicum instrumentum cunctis ipsum intuentibus pateat evidenter, quod sub anno a nativitate domini || millesimo trecentesimo septuagesimo quinto, indictione XIII^a, pontificatus sanctissimi in Christo patris ac domini nostri domini Gregorii digna dei providentia || pape undecimi anno quinto, terciadecima die mensis decembris, hora none vel quasi in domo habitationis discreti viri domini Heinr. || Spichwardi prepositi ecclesie sancte Verene Zurcziacensis¹ sito in opido Phur(icensi) Constantiensis dyocesis nuncupato zů dem Phlůg² in mei notarii publici et testium subscriptorum presencia personaliter constitutus prefatus dominus Heinr. Spichwardi prepositus ecclesie Zurciacensis predicte proposuit et asseruit, qualiter ipse religiosos in Christo fratres dominum Gúntherum de Lanczberg priorem et conventum monasterii Celle sancte Marie in monte Berreberg prope Wintertur³ exigente eorum devocione cuperet in omnibus prosperari et qualiter piam intencionem et intensum affectum et desiderium haberet, quod ipsis priori et conventui de rebus suis aliquid pro salute anime sue daret, et ideo ne huiusmodi eius affectus et desiderium eominus frustrari possent, prefatus dominus Heinr. Spichwardi sanus mente et corpore animi sui compos non vi coactus nec metu induetus nec dolo aliquo ut dicebat circumventus sed libere atque sponte non ob errorem sed ex certa scientia et bona ac matura deliberatione prehabita pure et simpliciter propter deum et in remedium anime sue ac progenitorum suorum omne ins ac omnem proprietatem sibi competentes ac competere valentes aliqualiter in duabus piscinis nuncupatis zway vach sitis in lacu prope pontem opidi Rapreswil⁴ locatis anno, cuius data prescribitur, dicto Mathys piscatori singulis annis pro annuo censu pro nongentis piseibus vulgariter núnhundert albellen in festo Martini persolvendis, quarum piscinarum una vulgariter nuneupatur daz strit vach, secunda vero daz fron vach, ab una parte se extendentibus versus predictum opidum Rapreswil ad viam dictam der herweg, ex alia parte seu alio latere versus locum Heremitarum⁵ et piscine nuncupate Húrder⁶ vach quasi adiacentibus dedit donavit tradidit et assignavit ac presentibus omni via iure modo et forma, quibus melius et efficacius fieri potuit atque potest, dat et assignat donacione prefata irrevocabili inter vivos iusto et legitimo donacionis tytulo pro se suisque heredibus ac successoribus universis prescriptis fratri Gúnthero priori presenti et huiusmodi donacionem suo ac sui conventus nomine recipienti, et ut eadem donacio debitum sorciatur effectum et in eius robore perpetuo perseveret, prefatus dominus Heinr. Spichwardi premissa donata et omne ins sibi de iure vel consuetudine debitum aut competens aliqualiter in eisdem usque in hunc diem vel inposterum in prefatos fratrem Gúntherum priorem et conventum monasterii predicti donatarios sollempniter transtulit ac in manus eiusdem fratris Gúntheri prioris donatarii reeipientis libere et absolute resignavit, nullo iure in eisdem donatis sibi vel heredibus ipsius ac sucessoribus quibuscumque aliis quam prefatis fratri Gúnthero priori ac conventui donatariis retento vel aliqualiter reservato, dans nichilominus sepedictus dominus Heinr. Spichwardi et concedens ipsis donatariis plenam et liberam potestatem ex nunc et inantea per se vel alium seu alios ipsorum nomine dicta donata et eorum possessionem realem corporalem et pacificam subintrandi apprehendendi nanciscendi ipsaque habendi tenendi possidendi et de ipsis tamquam suis faciendi disponendi et ordinandi, prout sibi melius videbitur expedire. Promisit insuper prelibatus dominus Heinr. Spichwardi donator fidedata nomine sacramenti sollempni interposita stipulacione pro se et heredibus ac successoribus suis universis donacionem predictam ratam et gratam habere et tenere perpetuo atque firmam nec eam causa ingratitudinis vel alia quacumque revocare et contra ipsam donacionem ut premittitur rite et legitime servatis servandis factam numquam facere vel venire per se vel alium seu alios nec contra venire volenti aliqualiter consentire in iudicio vel extra iudicium inposterum vel ad presens de iure vel de facto directe vel indirecte quovis quesito ingenio vel colore. Renuntiavit eciam sepedictus dominus Heinr. Spichwardi pro se suisque heredibus et successoribus universis omni excepcioni doli mali decepcionis et circumvencionis ac metus et coactionis cuiuslibet beneficio restitucionis in integrum litteris graciis iuribus consuetudinibus constitucionibus privilegiis et statutis quibuscumque editis et edendis impetratis et impetrandis a sede apostolica vel aliunde excepcioni debite sollempnitatis non adhibite et iuri dicenti generalem renunciacionem non valere vel sufficere, nisi precesserit specialis, omnique iuris auxilio canonici atque legum, quibus mediantibus iuvari facere vel venire posset contra ea, que in presentibus litteris continentur, in toto vel in parte. Et ut de premissis omnibus et singulis unum vel plura publicum seu publica secundum cuiuslibet iurisperiti consilium meliori modo et forma, quibus fieri potest et debet, prefatus frater Gúntherus suo ac conventus monasterii predicti nomine me notarium publicum subscriptum requisivit. Acta sunt hec anno indictione pontificatu mense die hora et loco quibus supra, presentibus discretis viris domino Heinrico dicto Waise canonico monasterii abbacie Thuricensis⁷ dicte Constantiensis dyocesis, Alberto de sancto Gallo camerario canonicorum ecclesie prepositure Thuricensis⁸ et V^olrico dicto Wissen de Lenczburg⁹ famulo prefati domini Heinr. Spichwardi testibus ad premissa vocatis specialiter et rogatis.||
(ST) Et ego Berchtoldus dictus Fryge de Phullendorf¹⁰ clericus Constantiensis dyocesis publicus imperiali auctoritate notarius iuratus, quia premissis donacioni resignacioni renunciacioni omnibusque aliis et singulis premissis, dum sic ut premittitur agerentur et fierent, una cum prenominatis testibus tempore et loco quibus supra presens interfui eaque sic fieri vidi et audivi. Idcirco presens publicum instrumentum manu mea propria scribendo exinde confeci et in hanc publicam formam redegi signoque meo solito et consueto signavi per prefatum fratrem Gúntherum priorem rogatus et requisitus in fidem et testimonium omnium premissorum.

Source Fulltext: Chartularium Sangallense IX, Nr. 5483, S. 152-154.