Dilecto filio Johanni dicto Frige rectori capelle sancte Fidis¹ site prope opidum sancti Galli Constanciensis diocesis salutem etc. Apostolice sedis circumspecta benignitas desideria iusta petencium congruo favore prosequitur et votis eorum, que a rationis tramite non discordant, libenter se exhibet propitiam et benignam. Cum itaque nuper tu per te ipsum sancti Galli in opido sancti Galli Constanciensis diocesis et dilectus filius Vlricus Arnolt per dilectum filium Johannem Witzig dicti Vlrici et in Romana curia procuratorem ad hoc ab eo specialiter constitutum sancte Fidis prope dictum opidum sitas dicte diocesis capellas, quas tunc temporis obtinebatis, desiderantes illas ex certis causis rationabilibus invicem permutare in manibus dilecti filii nostri Guidonis tituli sancte Crucis in Jerusalem presbiteri cardinalis tunc episcopi Pictauensis² ex causa permutacionis huiusmodi libere apud apostolicam sedem duxeritis resignandas dictusque cardinalis tunc episcopus resignaciones huiusmodi de speciali mandato nostro facto sibi super hoc oraculo vive vocis apud sedem admiserit audienciam, nos votis tuis in hac parte favorabiliter annuentes capellam sancte Fidis predictam, que sine cura est, per huiusmodi resignacionem vacantem cum omnibus iuribus et pertinenciis suis apostolica tibi auctoritate conferimus et de illa etiam providemus decernentes prout est irritum et inane, si secus super hiis a quoquam quavis auctoritate scienter vel ignoranter attemptatum forsan est hactenus vel contigerit imposterum attemptari, non obstante si aliqui super provisionem sibi faciendam de capellis aut aliis beneficiis ecclesiasticis in illis partibus speciales vel generales dicte sedis vel legatorum eins litteras impetrarint, etiam super eas ad inhibitionem reservationem et decretum vel alias quomodolibet sit processum, quibus omnibus te in dicte capelle sancte Fidis assecutione volumus anteferri, sed nulluni per hoc eis quo ad assecutionem capellarum aut beneficiorum aliorum preiudicium generari, seu si venerabili fratri nostro episcopo Constanciensi vel quibusvis aliis communiter vel divisim a predicta sit sede indultum, quod ad receptionem vel provisionem alicuius minime teneantur et ad id compelli non possint, quodque de capellis aut aliis beneficiis ecclesiasticis ad eorum collationem provisionem presentationem seu quamvis aliam dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mencionem, et qualibet alia dicte sedis indulgentia generali vel speciali, cuiuscumque tenoris existat, per quam presentibus non expressam vel totaliter non insertam effectus earum impediri valeat quomodolibet vel differi et de qua cuiusque toto tenore habenda sit in nostris litteris mencio specialis nostre tamen intencionis existit, quod nulluni ins tibi in capella sancte Fidis predicta per nos tibi, ut prefertur, collata ex collatione nostra huiusmodi quomodolibet acquiratur, nisi tu et dictus Vlricus tempore resignationum huiusmodi ius haberetis in eisdem capellis per vos taliter resignatis. Nulli ergo etc. nostre collationis provisionis constitutionis et voluntatis infringere etc. Dat. Auinione VII kl. marcii anno sexto. In eodem modo dilectis filiis abbati monasterii Scotorum³ extra muros Constancienses et decano sancti Agricoli Auinionensis⁴ ac cantori Curiensis⁵ ecclesiarum salutem etc. Apostolice sedis etc. usque resignatis. Quocirca mandamus, quatinus vos vel duo aut unus vestrum per vos vel alium seu alios eundem Johannem vel procuratorem suum eius nomine in corporalem possessionem capelle sancte Fidis ac iurium et pertinenciarum predictorum inducatis auctoritate nostra et defendatis inductum amoto exinde quolibet detentore facientes sibi de ipsius capelle fructibus redditibus proventibus iuribus et obventionibus universis integre responderi, non obstantibus omnibus supradictis seu si eidem episcopo vel quibusvis aliis communiter vel divisim a predicta sede indultum existat, quod interdici suspendi vel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Contradictores auctoritate nostra etc. Dat. ut supra.

Source Fulltext: Chartularium Sangallense IX, Nr. 5491, S. 161-162.