Wi^er Lúpolt von gotes gnaden hertzog ze O^ester. ze Steyer ze Kernden vnd ze Krain graf ze Tyrol etc. veriehen vnd tůn kunt offenlich || mit disem brief fu^er den ho^vchgebor^en fursten hertzog Albrechten² vnsern lieben brůder vns vnd vnser erben, als wi^er die burg vnd stat || ze Rapreswile³, die phleg in der mittein Marich⁴ genant die alt Rapreswile⁵, die phleg in der We^ag⁶, die alle jar zway hundert phunt || ste^abler geltent, die vogty^e ze den Einsideln⁷, die je^arklich funfzig phunt ste^abler bringt, vnd die ho^efe ze Jonen⁸ vnd ze Kempraten⁹, von den alle jar zwainzig phunt ste^able^ar genauent, von Hansen vnd Růtschmann den Langenharten¹⁰ gebrůdern itzund geledigt vnd gelo^est haben, sein wi^er in v^eber die drú tusent guldin, der si vnser getrew^er lieber Go^etfrid Múller¹¹ von Zúrich an vnsrer stat gericht hat, vnd v^eber die funf hundert vnd nu^entzig guldin, darumb si vnser sunder brief¹² habent, noch von des burklehen wegen, das si daselbs ze Rapreswile hetten, an derselben lo^esung schuldig beliben vier hundert guldin gůter an gold vnd vollen swe^arer an wag. Darumb wi^er also mit in geteidingt haben vnd v^eberein komen sin, daz wir in versprochen vnd gelobt haben, dieselben vier hundert guldin ze richten vnd ze weren vf sand Johans tag ze sungichten, der schirist kumpt, an alles verziehen. Te^aten wi^er des nicht, so sullen in vnd iren erben von den stúren in der Marich ze der alten Rapreswile vnd ze den Einsideln je^ariklich zů rechtem zins vf sand Martins tag dauon genauen vierzig guldin, alle die wil in die vorgenanten vier hundert guldin vsligent, an alles geue^ar. Dauon schaffen wi^er mit dem vogt daselbs ze Rapreswile, wer der ist, daz er den egenanten Langenharten vnd iren erben in solicher geschieht mit dem vorgenanten zins der vierzig guldin wartend vnd geho^ersam sy als lang, vntz si der vorgenanten vier hundert guldin ge^antzlich gewert werden, wan im die an siner raittung abgent. Wenn aber den vorgenanten Langenharten oder iren erben dieselben vier hundert guldin geuallent, als davo^er geschriben stet, so sol der egenant zins ab sein. Wenn wi^er ouch dieselben vierzig guldin gelts mit den vier hundert guldinen lo^esen wellen, so sullen vns die vo^ergenanten Langenharten oder i^er erben der lo^esung stat tůn vnd geho^ersam sin ane alle widerred vnd vertziehen, vnd sullen si dieselben vier hundert guldin an aigen gu^eter legen vnd die von dem egenanten vnserm brůder vns vnd vnsern erben ze rechten burglehen nemen vnd emphahen an alles geue^ard. Mit vrkund ditzs briefs, geben ze Schafhusen¹³ an zinstag vo^er sand Jo^ergen tag nach Kristi gebúrd drútzehenhundert jar, darnach in dem sechs vnd sibentzigisten jare.

Source Fulltext: Chartularium Sangallense IX, Nr. 5502, S. 172-173.