Wir Angnes gra^efin ze Kirchberg vnd herzogin ze Tegk¹ veriehen offenlich vnd tu^en kunt || aller menglich mit disem brieff vmb den bunde, den diz nachgeschriben hailigen richs || stett in Swaben Vlm, Costentz, Memmingen², Rotwile³, Rútlingen⁴, Wile⁵, Rauenspurg⁶, || V´berlingen⁷, Lindowe⁸, sant Gallen, Byberach⁹, Kemptun¹⁰, Ysenin¹¹, Liukirch¹², Wangen¹³, Kouffbúrun¹⁴ vnd Bůchorn¹⁵ gesworn vnd gelobt haben, bekennen wir an disem brieff, daz wir noch dehain v^enser amptman diener noch helffer noch dehain der v^ensern noch niemen andre, der v^ens zůgeho^er, wider die vorbenempten dez richs stett noch wider dehain ander ir aidgenozz, die ietzo in irem bund bi in sint noch die fúrbaz zů in daryn kernen oder sw^euren, nit sin súllen noch wellen noch si nit beschadgen hie zwischan vnd dem nechsten sant Go^eryen tag vnd danach in vier gantzen jaren den nechsten deweder mit lib noch mit gůt noch mit reten noch mit geteten haimlich noch offenlich noch in dehainen weg in aller der wise, alz ir bund stat vnd seit, vnd sunderlich versprechen wir fu^er die vest ze Kirchberg, daz ôuch div die selben wile wider si nit sin sol noch daruff noch darab nit geschadget werden, vnd dez haben wir ietz allez ze den hailigen ainen gelerten aid gesworn mit vffgebotten vingern, war vnd stett ze halten vnd ze haben âne all geuerd. Dez ze vrku^end haben wir v´nser insigel gehenkt an disen brieff. Der geben wart an dem nechsten dunrstag nach sant Gallen tag, do warun von Cristz gebúrt drivzehenhundert jar vnd in dem sechs vnd sibentzigistem jar.

Source Fulltext: Chartularium Sangallense IX, Nr. 5537, S. 210-211.