Wir der burgermeister ra^vt vnd alle burger gemeinlichen der stat zu Dinckelspu^ehel¹ veriehen offenlich vnd ainhelleclich mit disem || brief, wan daz ist, daz des heiligen ry^chs stett^e Vlme, Costentz, Ezzlingen², Ru^etlingen³, Rotwyl⁴, V^eberlingen⁵, Memmingen⁶, || Bibrach⁷, Rauenspurg⁸, Linda^vwe⁹, sant Gallen, Wangen¹⁰, Bůchorn¹¹, Kaufbu^erun¹², Liutkirch¹³ vnd Ysnin¹⁴ got ze lob dem heiligen || ry^ch zu trost vnd ze ern in selb vnd dem lande ze fride vnd ze gemache sich selber verbunden vnd einer lieplichen frúntschaft v^eberein komen vnd ze samen verstrickt ha^vnt mit ayden, einander by^ gestendig beholfen vnd bera^vten ze sin nach des buntbriefs sag, den auch si darumb einander geben vnd besigelt ha^vnt, doch dem heiligen ry^ch siniu reht ze haltend vnd ze tůnd o^vn alle geuerd mit namen vzz gesetzt, das wir vns darumb ietzo mit gůten fu^esa^etzen vnd wolbera^vtem sinn^e vnd můt vnbetwungenlichen mit ayden, die wir alle liplich zu got vnd zu den heiligen ietzo darumb gesworn haben, mit disem brief zu den vorgenanten stetten auch verstricket vnd verbunden haben, den selben bund mit in ze halten ze leisten vnd zu volfu^ern vngeuarlichen nach allen punckten mainungen vnd artikeln, als auch si sich darumb zu samen versprochen vnd verbunden ha^vnt vnd als auch der selb buntbrief von wort zu wort begriffen vnd verschriben sta^vt, o^vn alle geuerd. Mit kraft vnd vrku^end ditz briefs, den wir in darumb besigelten geben mit vnserr stat grozzem insigel, daz offenlichen zu gegen hanget. Der geben ist an dem na^ehsten affterma^entag nach vnser fra^vwen tag assumpcionis, da man zalt nach Christi gebu^ert driutzehen hundert jar vnd dar nach in dem siben vnd sibentzigsten jar.

Source Fulltext: Chartularium Sangallense IX, Nr. 5605, S. 278.