Wir^a) der burgermeister rat vnd alle burger gemeinlich der stat zů Winsperg¹ vergehen offenlich || vnd einhelleclich mit disem brieff, wanne das ist, das des heiligen richs stett Vlm, Costentz, Eszlingen², || Ru^etlingen³, Rotwil⁴, V^eberlingen⁵, Memingen⁶, Bybrach⁷, Rauenspurg⁸, Lindowe⁹, sant Gallen, Wangen¹⁰, Buch||horn¹¹, Kouffbu^erren¹² vnd Ysin¹³ got zů lobe dem heiligen riche ze trost vnd ze eren in selbe vnd dem lande ze fride vnd ze gemache sich selbe verbunden vnd ein lieplich fru^entschaft v^eber ein komen vnd zů samen verstriket hant mit eiden, einander by gestendig beholffen vnd beraten ze sin nach des buntbriefes sage, den ouch sie dar vmbe ein ander geben vnd versigelt hant, doch dem heiligen riche siniv recht ze haltenn vnd ze tůnde o^vn alle geferde mit namen vsgesetzt, das wir vns dar vmbe ietzo mit gůtem fu^ersatze vnd wolberatem sinne vnd můte vnbetzwungenlich mit eyden, die wir alle zů got vnd zů den heiligen ietzo dar vmbe gesworn haben, mit disem brieff zů den vorgenanten stetten ouch verstricket vnd verbunden haben, den selben bunt mit in zů haltenn zů leistenn vnd zů volfu^erenn vngeferlich nach allen punckten meinungen vnd artikeln, als ouch sie sich dar vmbe zůsamen versprochen vnd verbunden hant vnd als ouch der selb puntbrieff von worte ze wort begriffen vnd verschriben stat, o^vn alle geuerde. Mit kraft vnd vrku^ende ditz brieffs, den wir in dar vmbe versigelt geben mit vnserer statt gemeinem insigel, das offenlich zů gengen hanget. Der geben ist an dem nechsten dinstag nach vnser frowen tag, als sie ze himel fůr, do man zalt von vnsers herren Cristus gebu^ert drivzehenhundert jar vnd darnach in dem syben vnd sybentzigsten jare.

Source Fulltext: Chartularium Sangallense IX, Nr. 5604, S. 277-278.