Vicarius reverendi in Christo patris et domini domini Hainr. dei gracia episcopi Const(anciensis)¹ in spiritualibus generalis dilecto in Christo decano singulisque confratribus || decanatus apud sanctum Gallum et specialiter rectori ecclesie saneti Magni² extra muros opidi sancti Galli ceterisque, ad quos presentes pervenerint, salutem in domino, Comparuit || coram nobis discretus Johannes dictus Schůlmaister magistercivium³ opidi predicti pro se atque consulibus et universitate dicti opidi subditis ecclesie || parrochialis sancti Laurencii⁴ in ipso opido situate et proposuit^a), quod licet Johannes dictus Burgower presbiter aliquamdiu hactenus ipsam ecclesiam parrochialem inofficiaverit et eins subditis in divinis et sacramentorum ecclesiasticorum administratione et aliâs prefuerit et hodie inofficiet et presit, tamen nunc hii magistercivium consules et universitas eciam ex verisimilibus et probabilibus causis inceperint hesitare et hesitent, an et utrum ipse Johannes Burgower in et de premissis habuerit sive habeat potestatem seu auctoritatem, petens pro se et consulibus atque universitate predictis, quatenus sibi in ea parte salubre consilium et oportunum ac animabus expediens auxilium inpertiremur. Nos itaque, quod sangwis subditorum requiritur de manibus prelatorum et quod libertus ecclesie, licet sit in quasi possessione libertatis, manumissionem suam quodque possidens pro herede vel possessore cogitur suum tytulum probare aliaque in hac parte attendenda attendentes vobis et cuilibet vestrum eciam ex officii nostri debito firmiter et districte eciam sub pena excommunicacionis late sententie canonice tamen trium dierum monitione previa precipiendo mandamus, quatenus statim visis presentibus prefatum Johannem Burgower peremptorie citetis, quem et nos presentibus taliter citamus, ut ipse feria quarta post festum beati V^odalrici episcopi proxima hora prime coram nobis in iudicio in ambitu ecclesie Const(anciensis) legitime et sufficienter comparens ostendat, qua auctoritate seu potestate processerit et procedat et quem seu qualem tytulum habuerit sive habeat in premissis, ut de hiis legitime informati dictis magistrocivium consulibus et communitati salubre consilium et oportunum et animabus expediens auxilium quemadmodum tenemur impendere valeamus, sibi quoque iniunctis, si sic non comparuerit, quod contra eum et aliâs iusticia mediante procedemus. Et in Signum executi nostri mandati sigilla vestra, prout requisiti fueritis, sub dicta pena presentibus apponatis. Dat. Const(ancie) anno domini M°. CCC^mo LXX septimo, kln. iulii, ind. XV^a. R(espon.).

Source Fulltext: Chartularium Sangallense IX, Nr. 5590, S. 261-262.