Vicarius reverendi in Christo patris et domini Hainrici dei gracia episcopi Const(anciensis) in spiritualibus generalis. Anno domini || M°. CCC^mo. LXX septimo, feria quarta post festum beati V^odalrici episcopi proxima hora prime, ad quam Johannes dictus || Burgower presbiter citatus fuit per nostras certi tenoris litteras¹, quarum finis est talis: Dat. Const(ancie) anno || domini M°.CCC^mo. LXX septimo, kln. iulii ind. XV^a, comparuerunt in iudicio coram nobis prefatus Johannes Burgower ex una, magister Johannes dictus Ho^er de sancto Gallo et Conr. dictus Burg notarius curie Const(anciensis) ut et tamquam nuncii et non solum nuncii verum eciam ut et tamquam procuratores et procuratoriis nominibus discretorum magistricivium consulum scabinorum opidanorum et universitatis opidi sancti Galli Const(anciensis) dyocesis et pro eisdem ex parte altera. Ipseque Johannes Burgower petita per eum a nobis et sibi per nos decreta copia citacionis supradicte ad satisfaciendum termino eiusdem citacionis et ad ostendum^a) se hactenus fuisse et adhuc esse vicarium perpetuum ecclesie parrochialis sancti Laurentii opidi predicti sue institucionis seu investiture litteras sigillo predicti domini nostri episcopi sigillatas tunc ibidem exhibuit et produxit, quarum tenor est subscriptus, de quibus eciam ipsis magistro Johanni Ho^er et Conr. Burg et quibus supra nominibus copiam decrevimus et eciam subsequenter terminum prefiximus videlicet feriam terciam ante festum beate Marie Magdalene proximam hora prime ipsis magistro Johanni Ho^er ac Conr. Burg et quibus supra nominibus et prefatis magistrocivium consulibus scabinis opidanis et universitati tamquam hiis, quorum interest, cum in dicta ecclesia parrochiali sancti Laurentii seu eiusdem parrochiani et subditi fuerint et existant, ad inpungnandum litteras ut predicitur per ipsum Johannem Burgower exhibitas et productas et ad dicendum contra easdem, quidquid dicere voluerint, ipsisque partibus ad procedendum etiam alias inde et super premissis, prout iustum fuerit et ordo dictaverit racionis, precise et peremptorie. Datum et actum Const(ancie) anno domini et die prespecificatis, ind. XV^a. R(espon.).

Source Fulltext: Chartularium Sangallense IX, Nr. 5591, S. 262-263.