Allen den, die disen brief ansehent oder ho^erent lesen, kúnden wir Claus Walpersperg burger ze Rapreswil¹, Hans Amman burger || Zúrich vnd Cůnrat Bo^el von Wetzikon² vnd veriehen offenlich mit disem brief vmb die sto^ess vnd misshellunge, so Heinrich || vnd Ru^edi die Brúgglin gebrůder von Meilan³ hattent mit den pflegern des spitals dez heiigen geist ze Rapreswil⁴, || der selb sto^ess si ze beiden teilen willeklich vf v´ns drij kamen, also daz wir alle drij ein man solten sin vnd beider teil ansprach antwúrte red vnd wider rede so^elten verho^erren, vnd waz v´ns denn weger du^echt getan denn vermuten vnd dar vmb vssprechen, da bi so^elten beid teil beliben vnd nv vnd hie nach war vnd stett halten. Vnd do wir also beider teil sto^eß ansprach red vnd wider rede verhortent, do kamen wir einhelleklich mit enander v´ber ein vnd du^echt v´ns weger getan denn vermitten bi gůten trúwen vnd sprachen o^vch dar vmb also vs. Dez ersten vmb alle die sto^esse vordrung(en) vnd ansprach, so dewedre teil zů dem andern ze sprechenn hat vntz vf disen hútigen tag, als dirre brief geben ist, daz die gar vnd gantzlich abe vnd lieblich vnd frúntlich verricht sont sin vnd dar vmb erander^a) gůt frúnt sin sont nv vnd hie nache. Vnd sprechen o^vch fúrbz dar vmb vs, dz die egenanten des spitals pfleger von der egenanten sto^eß vnd ansprach wegen den obgenanten Heinrich vnd Ru^edin Brúgglinen gebrůdern dafúr richten vnd geben sont fúnf pfunt angster pfenninge, die si o^vch gewert hant vnd die selben Brúgglin von den selben pflegern gantzlich gewert vnd in ir gůten nutz komen sint nach ir beider vergicht. Vnd were o^vch, daz dewedre teil dis richtunge vnd den vsspruch brech vnd nit war vnd stett hetti, der selb teil, dar^a) daz v´ber fu^er, der sol denn mit namen dem erwirdigen herren dem probste von Zúrich⁵ verfallen sin ze gebenne fúnf guldin vnd junkher Peter von Ebersperg⁶ o^vch fúnf guldin. Vnd dez ze einem warem vrkúnde vnd gantzer sicherheit alles, so an disem brief geschriben stat, daz es also war vnd stet sie, da von so haben wir die obgenanten Claus Walpersperg, Hans Amman vnd Cůnrat Bo^el ieklicher sin eigen insigel offenlich gehenkt an disen brief v´ns vnd v´nsern erben vnschedliche. Dirre vsspruch ist beschehen vnd dirre brief geben an dem nechsten mentag vor der vfart in dem iar, do man zalte von gottez gebúrte drúzehenhundert vnd siben vnd sibentzig jare.

Source Fulltext: Chartularium Sangallense IX, Nr. 5577, S. 247.