Ich^a) Walther von Ha^ehenriett¹ ritter vergich offenlich mit disem brief vnd tůn kunt allen den, die in an senhent lesent oder || ho^erent lesen, wan daz ist, daz dez hailigen richs stett Vlme, Costentz, Esselingen², Rútlingen³, Rotwil⁴, Wile⁵, Phullendorff⁶, || V´berlingen⁷, Memmingen⁸, Bybrach⁹, Rauenspurg¹⁰, Lindowe¹¹, sant Gallen, Wile in Turgowe¹², Kemptun¹³, Ko^vffbúrren¹⁴, Lútkirche¹⁵, || Ysnin¹⁶, Wangen¹⁷, Bůchhorn¹⁸, Giengen¹⁹, No^erdlingen²⁰, Dinkelspúhel²¹, Bopphingen²², Aulon²³, Gemúnde²⁴, Halle²⁵, Rotenburg vff der Tuber²⁶, Hailprunne²⁷, Wimphen²⁸ vnd Winsperg²⁹ got ze lobe dem hailigen riche ze trost vnd ze eren in selb vnd dem lande ze fride vnd ze gemach sich selb verbunden vnd ainer lieplichen frúntschaft v´ber ain komen vnd ze samen verstrikt ha^vnt mit ayden, ain ander bestendig beholfen vnd ze bera^vten ze sint nach dez bunt briefs sag, den o^vch sie dar vmb ain ander gegeben vnd besigelt ha^vnt, doch dem hailigen riche sinú recht ze behaltent vnd ze tůnd a^vn alle geuerde mit namen vsgetzt^b), daz ich mich dar vmb ietzo mit gůtem fúrsatze vnd wolbera^vtem sinne vnd můte vnbetwungelich mit ayde, den ich liplich zů got vnd zů den hailigen ietzo dar vmb gesworn ha^vn, mit disem brief zů den vorgenanten stetten o^vch verstrikt vnd verbunden ha^vn, den selben bunt mit in ze haltent vnd ze habent vnd ze vollfu^eren vnd ynen mit mir selber vnd mit allen minen vestinan ze helfent vnd ze wartent vngeuarlich nach allen puncten mainungen stukgen vnd artikeln, als o^vch sy sich dar vmb ze samen verschriben vnd verbunden ha^vnt vnd o^vch als der selb buntbrieff von wort ze wort begriffen vnd verschriben sta^vt, a^vn alle geuerde, mit kraft vnd vrkúnde disz briefs, den ich in dar vmb gegeben ha^vn besigelt vnder minem aygen anhangenden insigel. Der geben ist ze Esselingen an dem na^echsten mentag nach sant Michels tag dez hailigen fúrst engels, do man zalt von Cristes gebúrt drúzenhenhundert vnd sybentzig iar vnd darnach in dem achtenden jare.

Source Fulltext: Chartularium Sangallense IX, Nr. 5665, S. 340-341.