Wir^a) Růpreht der elter, Růpreht der junge, Ott, Steffen, Fridrich, Hans vnd Růpreht der júngste alle von gotz genaden phalntzgrafen by Rin vnd hertzogen in Beygern etc. vnd wir || Bernhart margraue ze Baden bekennen offenlich mit disem briefe, dar zů versprechen wir vorgen(anter) margraue Bernhart besunderlich fúr vnsern brůder margraue Růdolff, der noch zů sinen tagen || niht komen ist, daz wir mit gůtem willen den nachbenempten dez hailigen Ro^emischen richs steten Vlme, Costentz, Ezzelingen, Rútlingen, Rotwile, Wile, V´berlingen, Mem||mingen, Bybrach, Rauenspurg, Lyndow, sant Gallen, Phullendorff, Kemptvn, Koufbúrren, Livtkirch, Ysny, Wangen, Bůchorn vnd Bůchow, No^erdlingen, Dinkelspúhel, Rotenburg vff der Tuber, Gemvnde, Halle, Haylbrvnnen, Wymphen, Wynsperg, Pophingen, A^vlvn, Giengen, Wile in Turgo^ew vnd Appenzelle dem lande, alz wir vns mit in vereiniget haben, gelobt vnd versprochen haben vnd versprechen in krafft ditz briefes, daz wir die edlen grauf Eberhart¹ vnd grauf V^olrich von Wirtenberg vnd Krafften² von Hochenloch in kein vnser aynvnge noch buntnv´zze weder samentlich noch besunder niht ein nemen noch enphachen súllen noch wellen in deheinen wege, alle die wile div aynvnge weret, die wir mit den vorgenanten steten gemachet haben. Mit vrkúnde ditz briefes, dar an wir vnsriv aigniv insigel offenlich gehenkt haben. Der geben ist ze Baden an sant V^olrichs tag, do man zalt nach gotz gebúrt drivzehenhvndert jar vnd dar nach in dem nivnden vnd sibentzigosten jare.

Source Fulltext: Chartularium Sangallense IX, Nr. 5724, S. 393.