Allen^a) den, die disen brief ansehent lesent oder ho^errent lesen, tůn ich Haintz von Staina¹ kund mit vrkúnd diss || briefs, daz der erwirdig min gna^ediger herre abt Cůn des gotzhus ze sant Gallen² mich gantzlich vnd gar || gewert vnd bezalt ha^vt viertzig guldin, die er mir schuldig waz von der phlegnust wegen dez gotzhus ze || sant Gallen vmb minen dienst, als o^vch der brief³ wol wist, den er herr V^olrichen von A^emptz⁴ ritter, Walthern dem Blarrer vnd o^vch mir vmb v´nsern dienst geben ha^vt. Darvmb so sagen ich fúr mich vnd all min erben den vorgenempten minen herren vnd all sin nahkomen der viertzig guldin gantzlich vnd gar ledig lo^vs vnd quitt mit disem brief vnd daz o^vch der vorgeschriben brief mir vnd allen minen erben to^vd sin sol vff gaistlichem vnd weltlichem geriht vnd an allen stetten. Vnd ze merer sicherhait derselben dinge so han ich der obgenant Haintz von Staina fúr mich vnd all min erben min aigen insigel gehenkt an disen brief. Der geben ist ze sant Gallen an dem na^ehsten ma^entag nah dem hailgen tag ze ostran in dem jar, do von Cristus gebúrt waren drúzehenhundert jar vnd darnach in dem ahtzigosten jare.

Source Fulltext: Chartularium Sangallense IX, Nr. 5775, S. 443.