Allen den, die disen brief ansehent oder ho^erent lesen, künden wir Johans vnd Růtschman von Langenhart² gebrůder vnd veriehen offenlich ane || disem brief fúr v´ns vnd v´nser erben, alz Ru^edi Kupfersmit burger ze Rapreswil³ dú múli vnd dú sagen vor der stat ze Rapre||swil von Heinricze Múller recht vnd redlich ko^vft hett mit aller rechtung vnd zů geho^ert, den v´ber nutz, waz si besser ist denne || hundert guldin, dú Mente Ho^vnburgerin vnd ire kind dar vff hand, da von man inen jerlich zins gitt siben mút kernen, die aber wir von inen ab lo^esen solten mit hundert guldin, dez wir v´ns beid gentzlich verzigen haben vnd verzihen v´ns dez mit disem brief fúr v´ns vnd v´nser erben, daz wir kein gewalt noch recht dar zů niemer mere gehaben noch gewinnen sonde ze lo^esenne. Vnd daz wir da Ru^edine Kuppfersmid vnd allen sinen erben wol gvnnen haben vnd v´nser beider gůt wille ist nv vnd hie nach, ist daz er iemer in den sin kunt oder des statt haben mag, daz er die siben mút kernen minrre ald mere wol mag vnd sol wider ko^vffen vnd ab lo^esen mit hundert guldin ieklich stuk, als sich denn an der svmme gezúcht, vnd also mit dem gedinge, daz wir noch v´nser erben noch nieman von v´nser wegen Ru^edine Kuppfersmit noch sin erben an der losung nút svmen irren hindern noch in kein wise nút bekrenken sond, wenne vnd welez jars er daz ab lo^esen wil, vnd sol man im daz also wider ze ko^vffenn vnd ab ze lo^esenne geben vmb hundert guldin vnd nit ho^echer in aller der wise vnd masse, als wir es ab lo^esen soltent. Vnd ze dez ze vrkúnde, daz dis war vnd stett sie, da von so haben wir die obgenanten Johans vnd Růtschman von Langenhart gebrůder ietwedre sin insigel offenlich gehenkt an disen brief. Der geben ist an dem fritag vor sant Georijen tag in dem jar, do man zalt von gottez gebúrt drúzehen hundert jar vnd dar nach in dem achtzigsten jar.

Source Fulltext: Chartularium Sangallense IX, Nr. 5782, S. 451-452.