Dem hochwirdigen ffu^ersten minem gene^edigen herren dem apt des gotzhus ze sant Gallen¹ enbuit ich || E^eberhart vom Stain² min willig dienst in allen sachen. Gene^ediger herre, ich se^ende iuwern genaden vff || mit vrkúnde diss brieffs den kirchensatz in dem dorff ze Ru^etlingen³ vnd das gůt dase^elbs, das ich || erkoufft haun vmb Haintzen den Amman se^eligen vnd das ich alles von iuwerm gotzhus ze lechen gehebt haun, vnd bitt iuwer genad mit ffliss, das ir den se^elben kirchensatz vnd das se^elb gůt ze Ru^etlingen vnd was ich da se^elbs haun, das von iuwern genaden ze lechen gaut, mit allen re^ehten vnd zůgeho^erden ze lechen lichen wellent her Chůnraten vom Stain von Rychenstain⁴. Das wil ich in allen sachen vmb iuwer genad verdienen vnd getruwen iuwern genaden wol, das ir mir das nit verziehen wellent. Versigelt mit minem aygenn vfgedrukten insigel. Ge^eben an mitwochen vor sant Georien tag, anno domini M°.CCC°.LXXX°.

Source Fulltext: Chartularium Sangallense IX, Nr. 5780, S. 450-451.