Ich^a) Albrech von Bussnang¹ fry lantrichter in Turgo^ew tůn kunt menlichem mit disem brief, das ich gib vnd geben || hain mit vrkúnd dis briefz minen rechten liberben nach minem tod vor menlichem dis nachgeschrib||nen gůt mit zins lechen aygen vnd aygenschaft der lúten vnd der gu^eter, des ersten den kelnhoff || ze Bussnang vnd die gericht halb, der kelnhoff gilt ja^erlich zwo^elf mut kernen drú malter haber zway pfund pfenning vnd zway hundert ayger ist lechen von sant Gallen gotzhuß, der hoff ze Mure² gilt ja^erlich zwo^elf mut kernen drú malter haber zway pfund pfenning zway hundert ayger vnd ist lechen von minem herren von Costentz, der aygen hoff ze Winfelden³ mit aller zůgeho^ert ist fry ledig aygen, item vs dem kelnhof ze Winfelden zwen mut kernen zwen mut haber vnd vier schilling pfenning ist lechen von miner herschaft von O^esterrich, vnd o^vch die ta^effer ze Winfelden halb, der hoff ze Mittelburg⁴ gilt ja^erlich drú pfund haller ist ledig aygen, der hoff ze Waltkilch⁵ git ja^erlich zechen mut kernen drú malter haber drú pfunnd haller ist lechen in pfandes wis vom gotzhuß sant Gallen ze lo^esen mit zwain hundert guldin, item ze Tůndorf⁶ vs Hagenstaylers gu^etli vier mut kernen ain malter haber vnd acht schilling pfenning vnd drisig ayger ist lechen von der herschaft von O^esterrich, item das gu^etli am Fogelsang⁷ gilt ja^erlich vier mut kernen ain malter haber acht schilling pfenning vnd drisig ayger ist lechen von der herrschaft von Ho^ewen⁸, item fúnf viertel kernen vs dem Túnfpfel⁹ ist lechen von der herschaft von Ho^ewen, item vs dem lechen ze Hopphain¹⁰ git ja^erlich zechen viertel kernen zechen viertel haber vnd ain pfund haller ist fry ledig aygen, item die frechtgu^eter ze Múlhain¹¹ gend syben mut haber Costenzer meß ist lechen von O^vw¹², item vs den vo^egt gu^etern ze Tůndorf drú pfund pfenning vnd vier schilling pfenning, item vs dem kelnhoff ze Batzenhart^b)13 sechs mut kernen drú malter haber drú pfund haller ist lechen von Toggenburg, item von Schwartzenbach¹⁴ drú pfund pfenning vnd vier schilling vs den^c) vo^egt gu^etern, item der zechent ze Waltkilch der groß vnd der klain, item vier jurchart^b) acker vs Schlechtenmúli¹⁵ aygen vnd lechen^d) min, item vs Stainer gu^etli der Holderacker¹⁶, der acker ze dem Witen Graben¹⁷, der acker hinder der Egg¹⁸, die Taylwis¹⁹ vnd huß vnd hofrayti in Oberdorf²⁰ die gu^eter gelten ja^erlich vierdhal^b) mut kernen vnd drig mut haber vnd ain pfund haller vnd zway hu^ern ist aygenschaft vnd lechenschaft min, item ab dem Bůchacker²¹ vnder der bürg ze Hugeltzhoffen²² ain viertel kernen ist lechen vnd aygen min, item ze Bussnang Hansmans gůt lút vnd lechenschaft ist min, item die aygenschaft der lúter^b) ze dem Růberbomm²³ aygenschaft vnd lechen ist min, item Hug Ferr von Fro^edensperg²⁴ ist aygen vnd lechen min, item Dietzes knaben ze Sele²⁵ lút vnd lechenschaft ist min, item ze Halthúsren²⁶ die lechenschaft ist min, item die lechenschaft ze der núwen burg, die mir zůgeho^ert, item Merk von der núwen burg ist min aygen, item der Sygrost ze Gundershoffen²⁷ ist min aygen, item die Schlegel ze Winfelden sind all min aygen. Item dise vorgeschribnen gu^eter zins lechen aygen vnd aygenschaft hain ich obgenanter Albrecht von Bussnang geben minen rechten liberben mit allen den worten vnd werchen vnd mit allen rechten, wie das kraft vnd macht haben sol vnd mag ietz vnd allwegen, vnd o^vch mit dem geding vnd rechten, wer das minen erben nach minem tod jeman hier inne sprech mit worten oder werchten mit recht gaystlichem oder weltlichem rechten, wie die genant sind, sy syent gaistlich oder weltlich, die selben súllent allwegen an allen rechten und gen menlichem vnrecht hain vnd gewinnen gen minen rechten liberben vnd iren erben vnd sol inen o^vch nút hilflich sin wider min lyberben dehain recht noch fryhait, wie man die erdenken kain, des landes der herschaft vnd der stetten, wie man das erdenken kan oder mag. Vnd des zů warem offen vrkúnd so hain ich vorgenanter Albrecht von Bussnang fry herr min aygen ynsygel offenlich gehenkt ain disen brief. Der geben ist in dem jar, do man zalt von der gebúrt Cristi tusent drúsundert^b) vnd achzig jare ze Fro^vwenfeld²⁸ vf sant Jacobz tag des hailigen zwo^elfbotten tag.

Source Fulltext: Chartularium Sangallense IX, Nr. 5797, S. 463-464.