Ich^a) Eglolff der Blarrer burger ze Costentz kv´nd vnd vergich des offenlich mit disem gegenwirtigen brief allen den, die in ansehent oder ho^erent lesen, das ich von || dem wolbeschaiden manne Hugen dem Schůlmaister burger ze sant Gallen enpfangen hab hundert pfvnt vnd drissig pfvnt pfenning alles Ital gůter vnd gena^emer || Costentzer mv´nss, vnd bin o^vch der gar vnd gentzlichen von im gewert vnd hab si in minen redelichen nutze geben vnd bekert, vnd das ich dem selben Hugen dem Schůlmaister || vnd allen sinen erben vnd nachkomen fúr mich vnd fúr alle min erben vnd nachkomen vmb die selben pfenning hab ze koffent geben reht vnd redelich vnd aines besta^eten iemer werenden ewigen kôffes den hoff ze Albisperg¹ gelegen vnd ôch den zehenden ze Albisperg gelegen, der och darzů vnd darin geho^eret, die lehen sint von minem gna^edigen herren abt Kůn des gotzhus ze sant Gallen², mit hus mit hofraitinen mit akkern mit wisen mit holtz mit veld mit wnne mit waid mit wegen mit stegen mit abwegen mit wasser mit wasserlaiti mit gebuwtem ald vngebuwtem wissendes ald vnwissendes gesůchtes ald vngesůchtes mit allen rehten nútzen zinsen vnd gelt vnd mit aller zůgeho^erde in aller der wise vnd masse, als der selb hoff vnd der zehent an mich komen vnd braht ist vnd als ich die in miner nutzlichen gewer v^ntz her gehebt besessen vnd genossen hab, also vnd mit den selben rehten hab och ich den selben hoff vnd den zehenden, so darzů vnd darin geho^eret, dem selben Hugen dem Schůlmaister vnd allen sinen erben vnd nachkomen fúr reht lehen von dem abt vnd dem gotzhus ze sant Gallen ze koffent geben, vnd darvmb so hab ich mich an dem selben hoff vnd an dem zehenden ze Albisperg vnd was darzů geho^eret entzigen vnd entzihe mich vnd min erben daran mit disem brief aller aigenschafft aller lehenschaft aller vorderung aller ansprach alles schirmes alles vsszuges vnd alles rehtes gaischliches vnd weltliches gerihtes, da mit ich ald min erben ald ieman andre von v´nsern wegen den selben hoff vnd den zehenden nv ald her nach gar ald ir deweders an dehainem tail kv´ndint ald mo^ehtint an gesprechen in dekain wise fúr aigen oder fúr lehen. Ich hab ôch dabi gelobt fúr mich vnd alle min erben, des selben Hugen des Schůlmaisters vnd aller siner erben vnd nachkomen des selben koffes des egenanten hoffs vnd des zehenden vnd was darzů geho^eret iro reht wer vnd tro^ester ze sint fúr reht lehen von dem gotzhus ze sant Gallen nach reht vnd gewonhait der statt ze Costentz ane alle geua^erde vnd fúr mengliches redelich ansprach. Vnd ze warem vnd offem vrkv´nde vnd sta^eter vester sicherhait aller dirre vorgeschribner ding vnd geding hab ich der vorgenant Eglolff der Blarrer min aigen insigel fúr mich vnd fúr alle min erben offenlichen gehenkt an disen brief. Der ist ze Costentz geben, do man von Cristes gebúrte zalt drúzehenhvndert jar, darnach in dem ahtzigosten jar, an sant Otilyen abent der hailigen magde.

Source Fulltext: Chartularium Sangallense IX, Nr. 5816, S. 473-474.