Ich^a) V^olrich von Sax¹ vergih^b) vnd tůn kunt offenlich mit disem brief fúr mich vnd fúr alle min erben vnd nahkomen^c) allen, | die den selben disen brief an sehent^d) oder ho^erent^e) || lesen, das ist, das der erwirdig min gna^ediger herre Cůno von gottes gnâden^f) abt des gotzhus | ze sant Gallen² mir gar vnd gentzlich^g) geben vnd mich gewert vnd bezalt hat^h) || hundert guldin, die er mir ze den ziten, do er probst vnd | pflegerⁱ⁾³ was des vorgeschriben^k) gotzhus ze sant Gallen, vmb minen dienst gelobt hatte ze gebenne, als^l) der brief || wist vnd sait, den er mir do ze mâl darúber geben hatte, vnd das er noch sin nâhkomen^m) noch nieman andrer von ir wegen mir noch minen erben noch nahkomen^m) noch niemannenⁿ⁾ andren von v´nsern^o) wegen bi den selben hundert guldin noch dauon nút mêr^p) schuldig sint noch gelten^q) sont noch wider geben, vnd sagen vnd lasse^r) och^s) den vorgenemten^t) minen herren sin nahkomen^m) vnd das vorgeschriben sin gotzhus vmb die selben vorgeschriben hundert guldin gentzlich^g) vnd gar ledig vnd^u) los^v) vnd quit mit disem brief fúr mich vnd fúr alle^w) min erben vnd nahkomen nv^x) vnd hernach^y) ân^z) alle geuerd. Vnd won ich minem vorbenemten^aa) herren abt Cůnen den selben brief, so ich vmb die selben hundert guldin von im hatte, billich vnd durch reht wider geben so^elt vnd och^s) ich das^ab) gern ta^et vnd ich in ze disen^ac) ziten nit vinden kan, so han ich mich wilklich^ad) gen im sinen nahkomen^m) vnd dem selben^ae) gotzhus verzigen vnd verzih mich mit disem brief fúr mich vnd fúr alle min erben des selben briefs vnd aller der vergiht^af) vnd gelúbd, so er mir ald minen erben daran veriehen gelobt vnd getan^ag) hat^h). Also bescha^ech, daz^ah) ich oder min erben den selben brief vmb die vorgeschriben hundert guldin ietz oder hernach^ai) fundent^ak) ald von v´ns funden wurde, das dann der selb brief v´ns^al) gentzlich^am) alklich vnd gar tod^an) vnkreftig^ao) vnd vnnútz sin vnd wesen sol vnd minem vorbenemten^aa) herren abt Cůnen sinen nahkômen^ap) vnd dem vorgeschriben^aq) gotzhus ga^entzlich^am) vnd gar vnscha^edlich sin sol noch niemer mêr^ar) ainkainen schaden bringen in dekain wis^as) noch weg, also das ich noch min erben noch nieman ander^at) von v´nsren^au) wegen den vorbenemten^aa) abt Cůnen noch sin nahkomen^c) noch das vorgeschriben gotzhus noch niemannen^av) ander^aw) von ir wegen vmb die vorgeschriben^k) hundert guldin noch vmb den brief niemer bekúmberren vftriben noch ansprechen sont weder mit gaistlichem noch mit weltlichem gericht^ax) noch ân^z) reht noch mit dekainen andren^aw) sachen. Vnd ze ainer warhait der werschaft vnd aller vorgeschribener^ay) ding vnd gedingde han ich V^olrich von Sax da vorgenemt^az) min insigel fúr mich vnd fúr alle min erben vnd nahkomen^m) offenlich gehenkt an disen brief. Vnd ze noch merer zúgnust der selben vorgeschriben^ba) ding vnd werschaft han och ich^bb) erbetten dem fromen vnd vesten Herman von der Braiten Landenberg⁴ sesshaft ze Hagenwille⁵, daz^ah) er och^s) sin ||
insigel zů minem insigel gehenket^bc) hat^bd) an disen brief, des och^s) ich Herman von der Braiten Landenberg da vorgenemt^be) vergih^b), das ich durch ernstlich flissig bett des vorbenemten^aa) V^olrichs von Sax min insigel zů sinem insigel mir vnd minen erben in dirr sach gentzlich^g) vnscha^edlich gehenket^bc) han an disen brief. Der geben ist ze Búrglon⁶ an dem na^ehsten donstag nach sant Waltpurgen^bf) tag, do man zalt von gottes gebúrt drúzehenhundert jar, darnach in dem ain^bg) vnd ahtzigosten jar^bh).

Source Fulltext: Chartularium Sangallense IX, Nr. 5838, S. 491-492.