Ich Walther von der Alten Klingen¹ friie der hohgebornen durlúhtigen miner gna^edigen herschaft von O^estenrich lantuogt vnd ich Hugo von der Hohenlandenberg² || ritter veriehen vnd tůn kunt offenlich mit disem brief allen, die in an sehent oder ho^erent lesen, das wir durch nutz vnd bessrung willen der vorgenemten || v´nser herschaft vnd von besunder gewaltes wegen, so mir vorben(emtem) herrn Hugen hertzog Lúpolt³ min gna^ediger herre vnder ôgen geben hat, ainhelklich || mit wolbedahtem můt, vmb das es v´ns v´nser herschaft nutzlicher vnd besser duhte getan dann vermitten, ains rehten redlichen wehsels v´berain komen sint an der vorgenanten v´nser herschaft stat mit den erwirdigen gaistlichen frôwen in got der a^ebtischinnen vnd dem conuent gemainlich des gotzhus ze Magnôw⁴ in Costentzer bystum, das wir inen iren nahkomen vnd dem selben irem gotzhus in aines rehten besta^eten redlichen vnd vngeuarlichen vnd vnwiderru^eflichen wehsels wise geben vnd gewehselt habin die ersamen frowen Margretun Wa^eltis Schiterbergs von Andelfingen⁵ elichi frôw vnd Hainis Kno^epflis tochter von Rikkenbach⁶ mit lib vnd mit gůt vnd mit allen rehten vnd zůgeho^erd, die der vorbenemten v´nser herschaft reht aigen gewesen ist vnd die in minen des vorbenemten herrn Hugen pfantschatz ze Andelfingen geho^eret hat, vmb die ersamen frôwen Ma^ehthilten Ja^egglis Lieben von Ossingen⁷ elichen frôwen vnd V^olrichs tochter von Gochhusen⁸, die si der vorbenemten v´nser herschaft vnd v´ns zů iren handen och mit lib vnd mit gůt vnd mit allen rehten darumb geben vnd gewehselt hant, ân geuerd. Wir haben och an v´nser herschaft stat der a^ebtischinnen vnd dem conuent gemainlich ze Magnôw die vorbenemt Margretun Schiterberginen mit lib vnd mit gůt vnd mit aller zůgeho^erd fúr reht aigen letklich vnd frilich vfgeben geuertegot vnd zů iro vnd ir gotzhus handen braht, alz reht sitt vnd gewônlich was. Wir haben och die selben die a^ebtischinen vnd den conuent gemainlich ze Magnôw vnd ir gotzhus in gewalt vnd in liplich nutzlich gewer gesetzt der vorbenemten Margretun Schiterberginen mit lib vnd mit gůt vnd mit allen rehten vnd zůgeho^erden vnd setzzen och mit kraft dis briefs fúr die vorgenanten v´nser herschaft vnd och fúr v´ns von ir wegen ân alle geuerd. Vnd won och wir den selben wehsel an v´nser vorgedahten herschaft stat also vngeuarlich vfgenomen vnd volfu^ert habin, so haben wir die selben v´nser herschaft vnd och v´ns vnd v´nser erben von ir wegen letklich vnd frilichen entzigen hin in der vorbenemten der a^ebtischinnen vnd des gemainen conuentz ze Magnôw ir nahkomen vnd in ir gotzhus hand vnd entzihent och gentzlich gar vnd och reht vnd redlich mit vrkúnd dis briefs an der vorbenemten Margretun Schiterberginen mit lib vnd mit gůt vnd mit allen rehten aller aigenschaft aller manschaft vnd lehenschaft aller kuntschaft aller besatzzung aller gewer zúgnust lút vnd brieue alles rehtes gaistlichs vnd och weltlichs gerichtes aller vordrung vnd ansprach vnd aller der ander sach vnd geuerden, damit v´nser herschaft oder wir oder jeman andrer von ir wegen die selben Margretun Schiterberginen mit allen rehten nv ald hernach gar oder an dekainem taile kúndint angesprechen ald da mit wir den selben disen wehsel vertegung vfgebung vnd och dis sach wider ru^effen gewenden wider bringen ald ze niht schaffen ald machen mo^ehtint in dehainen weg ân geuerd. Wir so^elin vnd geloben och mit disem brief fúr v´nser herschaft vnd och fúr v´ns vnd v´nser erben, die wir vesteklich herzů binden, der a^ebtischinen vnd des conuentz gemainlich des gotzhus ze Magnôw vnd ir nahkomen der vorbenemten Margretun Schiterberginen mit allen rehten fúr reht aigen vnd och des redlichen wehsels reht wem ze sinne nach reht gen aller maniglichem vff gaistlichem vnd vff weltlichem gericht vnd och an allen andren stetten, wenn wa vnd wie dik si des bedurfent vnd notdúrftig sint ald darumb angesprochen oder vfgetriben werdent, das wir si dann nach dem rehten verstan versprechen vnd von der ansprach entrihen vnd ledig machen sont an fúrzug vnd gentzlich ân iren schaden. Vnd dez vnd hierúber ze ainer besta^eten warhait aller vorgeschribener ding vnd gedingde haben wir Walther von der Alten Klingen lantuogt vnd Hûgo von der Hohenlandenberg ritter da vorgenant v´nsri insigel offenlich gehenkt an disen brief. Der geben ist ze der Alten Klingen vffen der burg an dem na^ehsten samstag nach sant Waltpurgen tag, do man zalt von gottes gebúrt drúzehenhundert jar, darnach in dem ain vnd ahtzigosten jar.

Source Fulltext: Chartularium Sangallense IX, Nr. 5839, S. 493-494.