In gottes namen amen. Wir der maister vnd die pflegaere des spitals ze Lindowe virgehent offenlich || an disem brief allen den, die disen selben brief ansehent ald ho^erent lesen, das Wernhere der Hunt burgaere || ze sant Gallen vnd Berchte sine husvrowe luterlich durch got vnd iro sele willen den armen an dem || velt ze Aeschach bi Lindowe vnd den^a) armen in dem spitale hent gemachot vnd gesezet ain pfunt geltz pfenninge Costenzer mvnz immermê ewiklich abe disen drin höfe, die hie nah gescriben stant, abe dem hofe ze Tanne in dem Albego^ewe, abe dem hofe ze Wissensperch bi Lindowe vnd abe dem hofe ze Stoggenwiler, der Swarzachs da was, die iro baider reht lipding sint, als obffenba^ere ist an iro hantvestie¹, das forgenant 5 pfunt geltz hant su geben vnd gemachot in allem dem reht vnd gedinge, als hîe nah gescriben stat, alsus swedres vnder inen zewain bi dem ersten stirbet, so sol der spitale ze Lindowe ze des iarzit immermê allu jare fon den drin forgenanten ho^efen zehen Schilling Costenzer gene den forgenanten armen an dem velt, funf Schilling Pfenninge in iro kûchie vnd den armen in dem spitale alsam funf Schilling pfenninge in iro kûchie, vnd nah des anderen tôt alsam zehen Schilling pfenninge in allem dem reht, als da for gesait ist, vnd ist och, das du armen an dem velt immer^b) ga^eindrent ald furko^vfent iro forgenanten zehen Schilling geltz, so sont sie ledig sine vnd fallen an den forgenemten spitale, ist och, das der selbe spitale die drie forgesprochen ho^efe immer ga^eindert ald furko^vfent^c), so sont sie ledig sine vnd aigenlich fallen an du forgenanten armen an dem velt an alle wider rede. Vnd das dise ware sie, das an disem brief gescriben stat, so geben wir den armen an dem velt ze Aeschach bi Lindowe disen brief besigilten mit des spitals hus insigel ze ainem offen vrkunde vnd staeter vestenung alle der dinge vnd gedinge, so da for gescriben stat. Dirre brief wart gescriben, do man fon gottes geburt zalt druzehen hundert jare vnd in dem ersten iar, an sant Katherinun tag. Dise dinges sint gezuge her Hainrich Graue der lutpriester, V^olrich Prender^d) amman fon Lindowe, Růdolf Nekker, brůder V^olrich fon Ro^etenberch, Andres Gebtz vnd Hainze der amman in dem spitale.

Source Fulltext: Chartularium Sangallense V, Nr. 2545, S. 42-43.