Wir her Beringer vnd her Hug gebrůdere rittere von Landenberg¹ veriehen an || disem briefe, das wir die manschaft des zehenden ze Wilistorf², die wir gemein hatten || mit vnserm vetter her Růdolf von Landenberg³, den Cv^onrat der Basendinger || burger ze Dyessenhouen⁴ von vnse hatte ze lehen, der o^vch vnser lehen was von sant Gallen, heigen gegeben vnsern teil dem vorgenanten vnserm vetter, vnd hein vns enzigen vnsers rehtes an alle geverde an sin hant, wont er an disem gute vnser rehter gemeinder was. Vnd vber disu sache so geben wir ime disen briefe besigelten mit vnser beider ingesigel ze einem vrkunde diser gâbe vnd o^vch darvber ze einer stâeter bezugenge. Dise brief wart gegeben, do man zalt von gotz geburt druzehenhundert jar, darnach in dem ersten jare, an aller heiligen abende, vf der burg ze Landenberg⁵.

Source Fulltext: Chartularium Sangallense V, Nr. 2541, S. 37-38.