Universis^b) et singulis presencium inspectoribus Hainr. divina permissione abbas totusque conventus monasterii sancti Galli² ordinis sancti Benedicti Const(antiensis) || dyocesis subscriptorum noticiam et sinceram in domino caritatem. Ventatis ratio vult et requirit, ut ea, que piis locis pie ac devote conferuntur, ipsis || iure perpetuo incommutabiliter debeant permanere. Quare omnibus tam presentibus quam futuris tenore presencium innotescat, quod cum viri strennui Hainr. et II Vlricus fratres dicti Lo^ewen de Zukkenriet³ ministeriales nostri monasterii iure feodi, quod vulgo manlehen dicitur, Eglinum ministrum quondam hon(orandi)^c) viri bone memorie Burch. prepositi ecclesie Episcopaliscelle⁴ et Bertoldum fratrem suum servos nostri monasterii a nobis et a nostro monasterio tenuerint eciam ex paterna successione, racione cuius successionis ius infeodacionis predictorum in ipsos descendit, et iidem omne ius, quod in eisdem et ipsorum pecculio tenebant, pure propter deum et in remedium omnium antecessorum suorum, quorum plures apud monasterium Mvnsterlingen⁵ decumbunt, in iamdictum monasterium titulo perfecte donacionis, quantum in eis mit, transtulerint, et resignacione de sepedictis fratribus per dictos de Zukkenriet nobis facta iidem devote petierint, ut donacionem et translacionem per ipsos in supradictum monasterium Mvnsterlingende predictis Eglino et Bertoldo fratribus et ipsorum pecculio factam dignaremur auctoritate nostra sa-lubriter confirmare. Nos attendentes devocionem magistre et conventus monasterii in Mvnsterlingen necnon Hainr. et V^olr. dictorum Lo^ewen ministerialium nostri monasterii grata et indeffessa servicia pensantes, donacionem ab eisdem de predictis fratribus et ipsorum pecculio predicto monasterio in Mvnsterlingen factam gratam et acceptam habentes sepedictos Eglinum et Bertoldum cum omni ipsorum pecculio per donacionem legittimam et, quidquid nobis iuris in eisdem competit, in monasterium Mvnsterlingen antedictum transferimus et translatos esse volumus per presentes, ita ut iure perpetuo eidem cum omni suo pecculio esse debeant applicati. Et ne quidquam predictis obviare possit, renunciamus circa ea, que per nos, ut iam dictum est, facta sunt, beneficio restitucionis in integrum, actionibus doli mali, litteris a sede apostolica vel aliunde inpetratis aut eciam inpetrandis ac eciam eis, per quas res ecclesiastice male alienate vel distracte repeti consueverunt, et generaliter omnibus beneficiis, scriptis vel non scriptis, consuetudinibus, statutis editis vel edendis, per que ea que predicta sunt vel aliquid predictorum quovis posset ingenio violari, sepedictis magistre et conventui de Mvnsterlingen tradendo presentes in evidenciam et certitudinem omnium premissorum nostrorum sigillorum robore communitas. Datum et actum apud monasterium sancti Galli, anno domini millesimo CCC°. secundo, IIII. non. ian. indict. XV^a.

Source Fulltext: Chartularium Sangallense V, Nr. 2550, S. 47-48.