Omnibus presencium inspectoribus Elisabetha comitissa de Raprehswile¹ subscriptorum noticiam cum salute. Presentis vite || negocia edax consumit oblivio, nisi fidelis scripture testimonio in thesauris memorie reponantur. Noverit igitur presens etas et futura || posteritas, quod cum honorabilis in Christo Cv^onradus prepositus ecclesie Constanciensis et vir strennuus V^olricus miles de Clingenberch fratres² || nos, nostrum Patrimonium et nostra negocia multis serviciorum favoribus prosequantur et variis promocionum actibus nobis necessitatis tempore utilitatis experienciam exhibeant et inpendant, nos ex preteritis in futurum per eorundem Cv^onr. et V^olr. fratrum servicia, promociones et merita nos et nostra negocia amplius promoveri sperantes eisdem Cv^onr. et V^olr. fratribus tamquam privatis personis ius patronatus ecclesie in Rvmelanch³ nobis ex nostro patrimonio iure hereditario pertinens auctoritate et consensu Rv^odolfi comitis de Habspurch⁴ nostri mariti gubernatoris et generalis procuratoris rerum nostrarum, necnon auctoritate reverendi patris H. dei gratia Const(anciensis) episcopi⁵ intercedente perpetuo, simpliciter, pure et liberaliter donavimus et in eos transtulimus eisque donamus et in eos transferimus presencium per tenorem. Et ne ea, que premissa sunt, per nos vel nostros heredes quovis ingenio sive casu de iure vel de facto ullo umquam tempore possint infringi aut aliquatenus violari, renunciamus circa ipsa tam pro nobis quam pro nostris universis heredibus excepcioni doli mali, Omnibus constitucionibus, legibus et statutis editis vel edendis et generali ter ac specialiter omni suffragio et auxilio iuris canonici vel civilis, quo median-te, que premissa sunt, possent quomodolibet violari. In evidenciam omnium premissorum tradentes ipsis Cv^onr. et V^olr. fratribus presentes litteras sigillorum reverendi patris ac domini H. dei gratia Const(anciensis) episcopi predicti, spectabilis viri R. comitis de Habespurch memorati et nostri muniminibus communitas. Nos H. dei gratia Const(anciensis) episcopus prenotatus premissis omnibus et singulis nostrum consensum expressum adhibemus ipsaque auctoritate ordinaria confirmamus ad petionem^a) parcium predictarum sigillum nostrum in testimonium eorundem presentibus appendentes. Nos eciam R. comes de Habespurch prenotatus omnia supradicta de nostro consensu expresso fore facta presentibus confitentes in evidenciam eorundem sigillum nostrum appendimus huic scripto. Datum et actum Constancie, anno domini M°.CCC°. secundo, VIII. kal. novemb. indictione XV^a.

Source Fulltext: Chartularium Sangallense V, Nr. 2573, S. 63.