In gotes namen amen. Allen den, die disen brief sechent alder hůrent lesen, kunden wir Ellisabet II grieffen von Raperechswiler¹ vnd^a) Hienrich der Amman swltheze ze Raperechswiler², Cv^onrat der Truchseze³, II Peter vnd Werenher von Ranbach⁴, Jo. Ganlunstein, R. von Hasele⁵, H. Ekol, V^ol.^b) Sneph vnd Berchtolt der Lo^vwe, der || rat von Raperechswiler, das wir han gelobet den erberen gieslichen luten dem konmendur vnd den brv^oderen ze Bůbinkon⁶, die nu sint alt hernach werdent, das wir su fur vnser frigen^c) burger haben in ûllem^d) dem rechte, als su har sint kv^omen, vnd in nut sol schaden noch an irem burgrechte krenken, das su ir hus ze Raperechswiler, dar an su burger sint, vmbe einen ierlichen zins hant werluchen dem forgenanten Hienrich dem Amman vnd fron Gierinun siner elichen frw^oen, die wile si lebent alder ir einwederes^e). Vnd her vber ze einere bestetunge vnd ze einem vrkunde so han wir du forgenante grieffen vnser insigel vnd der forgeschriben rat von Raperechswiler vnser stat insigel an disen brief gehenket. Dis gesach ze Raperechswiler, do man zalte von gotes geburte tusent dru hundert vnd drv iar, an dem mentage for sant Walentis tage.

Source Fulltext: Chartularium Sangallense V, Nr. 2580, S. 66-67.