In^a) gotes namen amen^b). Allen den^c), disen brief sehunt oder horent lesvn, den kvnde ich grave Hu^eg von Muntfort brueder sant Johans ordens || cometur ze Tobel¹, das vro Adelheit hern V^olrichs wirtin von Lownberg² vnt ellu irv kint kamen ze Tobel für mich vnt für die II brueder vnt gaben in min hant vf dem huse ze Tobel mit ir vogtes hant Walthers des meigers von Lownberg das guet ze Mezichon³, || das inen galt vnt noh giltet fiunfzehvn stuch vnt iro reht zins lehvn was von dem hus ze Tobel, vnt vrwrbun das mit ir betv vnt ander ersamer luton, das ich vnt die brueder des huses ze Tobel dass gemeinlich kamen vber ein, das ich das vorgenande guet ze Mezichon leh vro Guetvn von Hemberg⁴ vnt V^olrich ir sune von dem huse ze einem rehtvn zinslehun vnb ein ierlichen zins inen vnt allen ir rehten erbon also, das man gebun sol dem huse ze Tobel asllv iar ein Schilling Costenzer phenning ze sant Johans tult ze vngihton^d) ze rehtun zinse, swer das guet nvsset, es sien su oder irbvn^e). Wer ouch das, das dv vorgenande von Hemberg oder ir svn oder iro erben mit dem selbvn gu^ete vt schaffen woltin, des sol inen gestaton das hus vnt des huses plhegera^f) an allen vszug, also das es dem huse vnschedelich si an zinse vnt an sine(m) rehtv. Vnt dar vnbe das dis alles war vnt stetv belibv dien vorgenanden von Hemberg vnd ir erbon, so sv vnsint, darvnbe^g) gib ich der vorgenande brueder Hûg von Munfort mit willen vnt mit rate der brueder ze Tobel gemeinlich des huses insigel an disen brief. Dirre brief wart gebun ze Tobel, do man zalte von gottes geburte drvzehenhundert iar^h) vnt darnah in dem sehsdvn iare, an dem mentage vor vnser vrown tult ze herbste.

Source Fulltext: Chartularium Sangallense V, Nr. 2659, S. 119-120.