In gottes namen amen. Allen den, die disen brief sehent ald iemmer ho^erent lesen, kv^enden wir von gottes genaden abt Haenrich von sante Gallen¹ || vnd^a) alle der convente vmbe die anspräche, die wir vnd vnser gozhv^es haben gehebt gegen vnseren bv^ergern vnd der gemaende der stat ze || Wangen², das wir dar vmbe liepliche sient beruhtet, als hie nach geshriben stat. Wir der vorgenant abbet Haenrich vnd der convente || vorzihent vns alles des shaden vnd der sumsali, den wir alder vnser gotteshv^es han gehebt vnz an den hv^ettigen tach von v^enseren bv^ergern vnd der gemaende ze Wangen, vnd lassen den lv^etterlichen varn an des gotteshv^eses stat. Die vorgenanden vnser^b) bv^erger vnd dv gemaende ze Wangen si vorkiesent och^c) allen den shaden, der inen von des gotteshv^eses wegen geshehen ist, es si an manshlahte, an brande, an robe alder swie er dar komen ist, vnd lant den lv^etterlichen varn gegen allen den, die bi dem shaden gewesen sint. Wir der vorgenande abt Haenrich vnd der conuente voriehint och an disem brieve, das wir den selben v^enseren bvrgern von Wangen habent ze koffenne geben das reht, das wir hatton an erbe vnd an gelaesse gegen v^ensers gotteshv^eses lv^etten, die iezzvnt in der selbvn stat sint, vnd allen ir erbon, es si man, wip alder kint, vnd die von den geborn werdent, vmbe fv^enfzeg phvnde phenninge Kostenzer mv^ense. Die selben vnser bv^erger von Wangen vnd die gemaende voriehent och mit disem brieve, das^d) dekaenen v^ensers gotteshv^eses man ze bv^erger nemen sont fv^er den hv^ettigen tag an v^enser alder v^enser nahkomenne willen. Wu^erde aber dekaener vnsers gotteshv^eses man dar v^eber bv^erger in der stat, gegen dem habent wir vnd vnser gotteshv^es vollekliche v^enser reht an vaellen vnd an gelaessen. Die selben v^enser bv^erger vnd der rat vnd aellv^e div gemaende ze Wangen voriehent och offenhchen an diesem brieve, das si v^ens vnd v^enserm gotteshv^ese vnd allen v^enseren nahkomenne geben sont ganzliche vaelle vnd hobtreht von allen des gozhv^eses lv^etten, die es^e) dvr reht geben sont. Die selben vnser bv^erger vn^f) der rat vnd div gemaende voriehent och an disem brieve, wirt aen v^ertale gezogen von dem gerihte ze Wangen, das man die du^er reht gegen^g) sante Gallen vv^er v^ens vnd vnser nahkomen ziehen sol. Die vorgenanden v^enser bv^erger vnd der rat vnd aellv^e div gemaende ze Wangen voriehent och an disem brieve, das si vns vnd v^enserm gozhv^ese gesworn haent, als si ir herren vnd ir gotteshv^ese von rehte sweren sont, vnd das wir vnd v^enser gotteshv^es in allem v^enserm rehte beliben gegen in vnd och die selben bv^erger ze Wangen in ir rehte gegen v^ens vnd v^eserm gotteshv^ese, an das vorkoffen, an erbe vnd an gelaesse, als hie vorgeshriben stat. An den vorgeshribenen dingen ist gephlegen aller der gezierde vnd alles rehtes, das man ze saemelichen dingen phlegen sol vnd notv^erftig vnd gewonlich ist. Vnd das alles das, das hie vorgeshriben stat, staette vnd vn vorwandelet^h) belibe, dar vmbe henken wir der vorgenande abt Haenrich von sante Gallen vnd der kovente vnser insigel an disen brief ze aenem gewaeren vnd rehten v^erkv^ende. Dies beshach in der stat ze Wangen, do man zalte von gottes gebv^erte drv^ezehenhvndert iar, dar nach in dem sehsten iare, anⁱ⁾ dem naehsten zinstag nach sant Barnabas tv^elt, da ze gegen waren her Haenrich der bropst³, her Hylpolt^k) der portener⁴, her V^oI. von Drv^opurg kamerer ze sante Gallen⁵, her R. kilchherre ze Roshach⁶, her Walt. Lesti vnser kappelan kilchherre ze Herisowe⁷, maester Wem. von Rinegge⁸ kilchherre ze Brvnnen⁹, her Marquart von Shellenberg¹⁰, her Lv^etolt der Shenke von Glattebv^erg¹¹, her Hug von Landenberg¹², her H. der vogt von Svmerowe¹³, her R. von Svlzberg¹⁴, her Hartman vnd her Lv^edewig von Brahsperg¹⁵ gebrv^eder vnd der Brenner¹⁶ ritter, Lv^etolt der Shenke von Laendegge¹⁷, H. der O^emme¹⁸, V^eI. der vogt von Wartense¹⁹, C. der Altherre, R. von Eshing(en)²⁰, Albreht von Rangwil²¹, V^eI. Lesti vnd ander biderbe lv^ette genv^ege.

Source Fulltext: Chartularium Sangallense V, Nr. 2648, S. 110-111.