(B¹) Item das auch die aigenschaft zu Wanngen¹ mit dem gerieht dem gotzhawss sand Gallen zugehörende noch bass verstanden werd, so bekennen die von Wanngen amman rat vnd gantz gemaind in ainem brief mit irm sigl besigelt, das alle gotzhawsleut zu Wanngen gesessen dem gotzhawss sand Gallen ain haubtfall geben sollen vnd das sy erb vnd gläss abkauft habendt vnd das man zug vnd berueffung vom gericht zu Wanngen für ain herrn zu sandt Gallen nemen sol vnd sy auch ainem herren swern sullen als irm rechten herrn. Vnd ist betzaichnet mit 57 vnd weyst an seinem datum 1306 am zinstag nach Barnabe etc. ||
(B²) Item ain vberkumnus brief zwischen abbt Hainrichen² vnd seinem conuent vnd aman vnd rat vnd gantzer gemaind zu Wangen besigelt mit ir grossen vnd irs vogts insigl mit vil stucken, dero sy bekanntlich sind, nämlich der vallen vnd gotzhawss leuten vnd das sy erb vnd gläss abkauft haben vnd das wen^a) zug vnd berueffung vom gericht zu Wanngen für ain herrn von sand Gallen tun sol, betzaichnet mit 57, dat. an zinstag nach Barnabe anno domini 1306 jare, vnd ist dabey auch ain papierin copey.

Source Fulltext: Chartularium Sangallense V, Nr. 2649, S. 111-112.