Universis, ad quos presentes pervenerint, consules oppidi Rappreswile¹ subscripte rei noticiam cum salute. Noverint^a), quos nosce fuerit II opportunum, quod dominus R. dictus Fürswander sacerdos et vicarius predicti oppidi constitutus coram nobis in figura iudicii, sicut moris est II in Rappreswile, manu et auctoritate H. sculteti² reverendis in Christo dominis . . abbati et conventui monasterii in Ruti³ pie commotus II pro remedio anime sue et suorum omniumque, quorum usus est, elemosinis duos ortos iure proprietatis iamdudum possessos sitos iuxta vicum, qui dicitur Riet gassun⁴, contiguos ortis V^oI. dicti Snepha, singulis annis diem anniversarii sui recolendum pure et liberaliter iure proprietatis cum usufructibus omnibusque utilitatibus suis donavit et tradidit et presentibus tradit quiete et pacifice perpetuo possidendos, inducens prefatos .. dominos in dictorum ortorum possessionem, qui iuxta morem nostri oppidi sex septimanis cum tribus diebus possidendo eosdem possessione^b) corporali eorundem sibi dominium rationabiliter vendicarunt. Unde, ne predicta donatio in posterum a suis heredibus vel ab alio quocumque possit calumpniari seu irritari, humiliter nobis supplicavit, ut prefatis^c) dominis in Ruti in huius facti evidenciam pleniorem presentes litteras nostri sigilli munimine traderemus communitas. Cuius precibus inclinati ipsis dominis in Ruti hoc presens instrumentum in testimonium premissorum, cum rite et legitime sint peracta, nostre communitatis sigillo tradidimus et tradimus communitum. Datum in Rappreswile anno domini M°.CCC°.VI°. XVIII klas. iulii.

Source Fulltext: Chartularium Sangallense V, Nr. 2650, S. 112.