Ich her Heinrich von Scho^enenstein rittir vnd^a) dienstman des gotshus zi sante Gallin kvnde allen || den, die disin brief lesint oder ho^erint lesin, das ich gu^etlich vnd vrilich in minis liebin herrin || hant von gottis gnadin abt Heinrichis von sante Gallin an des conuentis vnd des gotshus || stat varn han gilan für mich vnd für minu||
kint vnd alle min erbin allin den schadin, den ich von des gotshus wegin ie giwan mit lihinne, mit virko^vfinne, mit gisilschefte odir swie ich dauon bin zi schadin komin, mit phantschatze odir mit keinir schlahte dinge, es si ginempt odir vnginempt, vnz an den huttigin tag, der hie nah gischribin stat. O^vch so inzihe ich mich vnd lasse o^vch ledig aellu du phendir, du ich von dem vorginandin gotshus han, an disu gu^etir, du hie gischribin stant. Das ist zi Wangin ussir dem vron stadil vierzig maltir habirn geltis Lindo^vwer messis, das gut zi Storinberg vnd Wu^estinberg, das gůt zi Jussinwille vnd Taegriswille vnd Ruti vnd Swarzinbach, Tagrehtswille, Hittunwille, Roggecelle der celnhof vnd die schv^opossan, die darin ho^erint, die fvnf Schillinge vnd ein phunt geltint, vnd die zehindin, die in den seibin hof gant, fvnfzehin maltir, vnd das gůt zi Strodorf, das gůt zi dem Riete vnd das gůt zi dem Reginolts vnd Bruniswille vnd Kaginegge vnd das gůt zi Munchbůch. Disu gu^etir aellu, dv dauor ginemmit sint, dv hant der selbe min herre der abt H. vnd alle der vorginande conuent mir vnd minen erben reht vnd redilich gisetzit zi einim phande vmbe vierzig vnd hundirt marke, vnd son ich vnd min erbin der selbon gu^etir rehtin zins niessin von rehtir gabe, vnzint das ich ald min erbin giwert werden vierzig vnd hundirt marke silbirs. Ich der vorginande her Heinrich von Scho^enenstein virgihe offmlich an disim briefe für mich vnd für alle min erbin, ist das, das der vorginande min herre abt H. odir sine nahkomin mir odir minen erbon vierzig marke silbirs gent hinnan zi der nsehstin sant Johans tult des To^vfers, so sont im vnd dem gotshus ledig sin vier marke geltis ussir den vorginandin gu^etirn, swa er es nemin wil, git er mir abir danne vor sant Johans tult fvnfzig marke silbirs, so sint im fvnf marke geltis ledig, vnd abir darhnah^b) vor sant Johans tult fvnfzig marke, so sint im dv gu^etir a^ellu ledig^c), waer o^vch das, das er zimale samint von mir lo^esin wil, des sol ich gihorsam sin. Vnd das dis allis, das hie gischribin ist von mir vnd allen minen erbon, staete bilibe, so henk ich der selbe her H. von Scho^enenstein min insigil an disin brief. Dise brief wart gebin in der stat zi Arbun¹, do man zalte von gottis giburte druzehin hundirt jare, darnah in dem sibindin jare, an sante Matheus vigilie.

Source Fulltext: Chartularium Sangallense V, Nr. 2686, S. 139.