In nomine domini amen. Allen den, die disen brieff sehen ald ho^eren lesen, kunnd ich Cůnratt Gensli ain priester, dz ich durch gott vnd durch miner vnd alle miner vordem sele hail mit betrachtunge bida^vchtlich vrilich vnd vnbezwungen mich enzigen han vnd geben in des erwirdigen appt V^olrichs von Wettungen¹ vnd schwo^ester Osminy der a^epptissinen vnd des conuentes hannd des goczhuß ze Maggeno^vw² die gu^etter, die hie nachgeschriben sta^vnnd, Diesselbach³, die vogty ze Tobel⁴, die hůbe by Tegerschen⁵, Alterswile⁶ die vogty, dz len ze Alterswile, ain gutli vff der Egge⁷, ain gůt an dem Lene ze Birno^vw⁸, V ß geltes, der aigenschafft wz vnd horte ze dem selben goczhuse von Maggeno^vw, der selber gu^etter zinß ich ja^erlich enpfachen vnd niessen so^elti mir alaine vncz an minen tod, vnd han ich mich enzigen fur mich vnd für alle min erben der selben gu^etter vnnd zinßen vnd zechend^a) vnd alles des rechtes, dz ich hatte ald wanne^b) han an den selben gu^etter vnd zinßen. Ouch sol man wussen, dz ich hab abgelaussen willekliche vnd allekliche den selben frowen der a^eptissinen vnd dem conuent von Maggeno^vw alle die gulte, der sy mir gebunnden vnd schuldig wa^eren. Darvmbe ze ainem offem vrkunnde vnd vergicht hab ich der vorgeschriben Cůnratt Gensli den vorgenanten frowen von Maggeno^vw disen gegenwurtigen brieff geben besigelt mit minem vnd des vorgenanten herren des apcz von Wettungen^c) vnd des edlen herren gra^vff Krafftes von Togkenburg⁹ vnd V^olrich des Giels¹⁰ insigele. Diß beschach vnd ward der brieff geben ze Maggenow, do man zalt von gottes geburt M°CCC° vnd im VII ja^vre an der na^echsten mitwuchen vor sant Martis tag. Da zů gegen wa^vren der selb appt von Wettingen, brůder V^olrich von sant Gallen ain munch ze Wettingen¹¹, her Cůnrat der lutpriester von sant Frenen¹², her Cůnrat der lutpriester von Jonschwyl¹³, V^olrich der Giel¹⁰, Amor von^d) Horwen¹⁴ vnd ander biderb lute gnůg. Wir der vorgenamte gra^vff Kraft von Togkenburg vnd V^olrich der Giel durch die pette der vorgenannter a^eptissinen vnd conuentes von Maggenow vnd ouch her Cůnrat Genslis hand vnsre insigele gehenckt an disen brieff.

Source Fulltext: Chartularium Sangallense V, Nr. 2688, S. 140-141.