Wir grave Rv^od. von Habsburg¹ herre ze Raprechtzwile² embieten || den erberen bescheidenen lvten Wernher dem Sto^vfacher lantamman ze Swîtz³ vnd II den lantlvten gemeinlich des selben landes ze Swîtz vnsern lieblichen grv^oz vnd II alles gv^ot. Wir bitten vch flizeklich vmb die vangnust der erberen herren mins o^eheims von Regensberg⁴, zweier herren von Wunnenberg⁵ vnd des von Vlvingen⁶, klosterherren zen Einsidellen⁷, vnd ander, die mit inen gevangen wurden, aber sunderlich vmb meister Rv^od. den schv^olmeister⁸, der vns von eigenschaft an ho^eret⁹, das ir sv ledig lazent dur vnsern dienst vnd dur vnser bette, vnd durch das wir gernes verkiesen wellen, das vns ze leide besehenen ist, vnd vertro^esten vch mit disem brieve, das wir vch vmbe dise sache weder an libe noch an gv^ote noch an lande niemer geschadigen noch bekvmberen enhein weg noch vmb dise vangnust sus noch so. Vnd zeinem steten vnd geweren vrkvnde des vorgeschribenen alles so han wir vch disen brief besigelt gesant mit vnserm ingesigel offenlich. Der brief wart geben ze Raprechtzwile, do man zalte von gottes geburt drvzehen hundert iar, darnah in dem vierzehenden iare, an sant Gregorien tage.

Source Fulltext: Chartularium Sangallense V, Nr. 2879, S. 251-252.