Ich Eglolf von Alstetten¹ kvnde allen den, die disen brief lesent oder horrent II lesen, das min her von gottis ginaden abt Hainr. von sant Gallen² hat irloset vm || mich das maieramt ze Marpach³, vnd^a) sol ich der selbun losung wer sin nah || reht, vnd taeti ich des mit, so sol ich im vnd dem gozhus den brief, den ich han von im vnd er mir gigeben het vm du giriht vnd vm die erschaez, die mir stant vm fünf march. Silbers, wider gen vnd sol och den das maieramt alles ledig sin iemer me von mir vnd minen erben. Vnd das dis war si vnd staet bilibe, so gib ich minem herren vnd dem gozhus disen brief bisigelten mit minem ingisigel. Dis biscach ze sant Gallen, do man zalt von gottis giburt druzehenhvndert iar vnd dar na im sibizehenden iar, ze ingentem ovgsten.

Source Fulltext: Chartularium Sangallense V, Nr. 3002, S. 323.