Wir von gottes genaden abt Hainrich des gotteshuses ze sant Gallen¹ kun||den allen den, die disen brief sehent oder ho^erent lesen, daz wir vnserm || lieben diener Lutolt^a) dem schencken von Landegge² vnsers gotteshuses || burg ze Yberg³ empholhen haben ze behalten vnd ze behu^eten von sunderbaren truwen, die wir zuz^b) ime haben, vnd loben im vnd haben im gelobt ze burg hůte vnd ze burg sa^eze a^ellu iâr ze genne gantzlich vierzeg phunt phenninge Kostentzer munse, vnd daz er der selben phenninge vnd des selben gůtes sicher sie, so haben wir im vmb die selben vierzeg phunt phenninge, du wir im a^ellu iar rihten son, gesezzet vnd sezzen ze ainem rehten phande lute vnd gůt vnd alles, daz wir da ze Yberg haben, ân die burg, du im niener vmbe haft sol sin. Vnd dar vmb so geben wir im disen brief besigelten mit vnserm insigel. Der geben vnd geschriben wart ze sant Gallen in der stat, do man zalte von gottes geburt druzehen hundert jâr, dar nah in dem sibenzehendem jare, an sant Jacobs tage des meren.

Source Fulltext: Chartularium Sangallense V, Nr. 3001, S. 321.