Universis Christi fidelibus presentium inspectoribus Krafto de Toggemburg prepositus ecclesie Thuricensis¹ Constanciensis dyocesis affectum caritatis || cum noticia subscriptorum. Noverint quos nosse fuerit oportunum, quod nos ad laudem sancte et individue trinitatis, gloriosorum principum sancti || Michahelis archangeli et sancti Galli confessoris ob nostram ac parentum et benefactorum nostrorum salutem sanus mente et corpore cappellam || per nos in oppido Vtzna² et in fundo nostro proprio constructam in honore sanctorum Michahelis et Galli predictorum consecratam ac infra limites ecclesie parrochialis in Vtzna sitam dotavimus et presentibus dotamus possessionibus seu bonis infrascriptis ipsaque bona seu possessiones nobis iure proprietatis pertinentes videlicet molendinum vnder Vtzemberg³ reddens decem frusta et porcum Valens duo frusta, item census de ortis dictis Rietgarten⁴ estimatos ad quinque frusta et triginta solidos denariorum, item decimam in Gebartingen⁵ reddentem decem frusta, item pratum dictum des Artzats wise reddens sex frusta, item decimam in Burge⁶ reddentem quinque frusta, item ortum dictum des von Kümbrechtswile⁷ reddentem tria frusta, item bona in Haselbrunnen⁸ reddencia unum frustum, item bona dicta Heuberg⁹ reddencia tria frusta, item agrum ze der Letzi¹⁰ et ortum retro domum prebendarii reddentes duo frusta tradidimus et donavimus et presentibus tradimus et donamus libere et absolute eidem cappelle, ut prebendarius perpetuus ibidem deo serviens ex eisdem bonis ac redditibus eorundem perpetualiter sustentetur, ipsamque cappellam seu prebendam per nos sie institutam cum redditibus suprascriptis contulimus et presentibus conferimus viro discreto Růdolfo de Gengembach¹¹ sacerdoti aliâs non beneficiato inofficiandam sine tamen preiudicio ecclesie parrochialis, ita videlicet ut omnibus diebus feriatis et non feriatis preterquam tercia et quinta feria, quibus idem cappellanus si voluerit poterit vacare, dummodo festa sanctorum non ineiderint in feriam terciam et quintam prelibatas, in ipsa cappella missarum sollempnia celebret cum fideli nostri, patris et matris et omnium parentum nostrorum commemoracione. Statuimus insuper et ordinamus, ut post obitum nostrum collacio dicte cappelle et prebende sibi annexe ad antiquiorem dominum oppidi in Vtzna predicti cum omni iure devolvatur, ita videlicet ut vacante cappella seu prebenda predieta ex cessione seu decessione prebendarii eiusdem cappelle idem dominus sacerdoti ydoneo et discreto alias non beneficiato dietam cappellam ac prebendam infra quatuordeeim dies proximos inofficiandam conferat, qui sie institutus ibidem residenciam faciat personalem et iniunetum ac commissum sibi officium per iuramentum ab eo corporaliter prestandum dolo et fraude quibuslibet semotis salvis omnibus iuribus parrochialis ecclesie predicte adimpleat et, ut pretactum est,||
fideliter exequatur. Statuimus insuper precise volentes, ut cum dicte cappelle collacio seu prebendarii institucio post obitum nostrum ad antiquiorem dominum oppidi in Vtzna, ut premissum est, devolvetur, si idem dominus seu collator secus faceret aut ordinacioni et decreto nostro in aliquo detraheret et super eo infra spacium mensis proximi se non corrigeret, quod collacio ipsius cappelle et institucio prebendarii .. loci ordinario pertineat illa vice, ita videlicet quod ipse Ordinarius ea vice, quando ad eum collacio predicte cappelle et prebende sibi annexe devoluta fuerit, predictas cappellam et prebendam conferat et conferre teneatur discreto sacerdoti alias non beneficiato iuxta ordinacionem et decretum nostrum, qui se per iuramentum astringat ad residenciam in predicta prebenda personalem necnon ad observanciam omnium prescriptorum, reservata tamen nobis dicte cappelle seu ipsius prebende collacione pro tempore nostre vite. Quicquid etiam prebendario, qui pro tempore fuerit, ad augendos sue prebende redditus datum vel legatum fuerit a Christi fidelibus, id sine diminucione qualibet ad comparacionem rerum immobilium in usum dicte prebende de scitu nostro seu nostri successoris patroni ibidem per eum debet converti sub virtute per||
eum prestiti sacramenti. In quorum omnium evidenciam et robur perpetuum presentes litteras eidem cappelle suisque cappellanis tradidimus sigillo nostro patenter communitas. Act. et dat. in Vtzna oppido nostro predicto, sub anno domini millesimo CCC°. decimo septimo, XII. kal. augusti, indictione XV^a.

Source Fulltext: Chartularium Sangallense V, Nr. 3000, S. 321-322.