Omnibus Christi fidelibus presentibus pariter et futuris Krafto et Fridericus canonici maioris ecclesie Constantiensis et Diethelmus de Toggenburg¹ comites^a) subscriptorum notitiam et || bonis operibus habundare. Ad tollendam circa gestorum seriem omnem erroris et oblivionis caliginem, expedit gesta pro tempore litterarum indiciis perhennari. Noverint igitur umiversi^b), quod nos || per gratiam domini nostri Iesu Christi mente et corpore sani cogitantes, quod bonorum operum gloriosus est fructus, et inopie honor(abilium) in Christo .. abbatisse et conventus sanctimonialium monasterii in Maggenowe² || ordinis Cysterciensis Constantiensis diocesis et propter earum precipue laudabilem vitam conpacientes, in remissionem nostrorum peccaminum et parentum nostrorum recongnoscimus et confitemur publice per presentes, curiam dictam im Tobel³ sitam in opido^c) dicto Dieselbach⁴ infra limites parrochialis ecclesie Magolsperg^d)5 cum omnibus suis pratis, agris, silvis, pascuis, viis et inviis, cultis et incultis et cum omnibus aliis suis iuribus et pertinenciis, quocumque nomine censeantur, predictis .. abbatisse et conventui monasterii in Maggenowe et eidem monasterio pleno iure quo ad directum et utile dominium hactenus pertinuisse et adhuc similiter pertinere, et si nobis sive nostris predessoribus^b) ius aliquod quo ad directum vel utile dominium vel quo ad census vel ius, quod vocatur gelt, vel quodcumque aliud ius, quocumque nomine nuncupetur, pertinuit vel conpetiit vel adhuc pertinet vel conpetit in prenotata curia et suis pertinenciis et iuribus memoratis, omne illud idem ius eisdem .. abbatisse et conventui, ut omnipotenti deo^e) possint liberius famulari, donavimus et donamus plene et libere cum omni integritate et iure, quo idem ius nobis conpetit vel conpetere poterit, ipsum exnunc in easdem .. abbatissam et conventum et suum monasterium presentibus publice transferentes, adhibitis in omnibus et singulis premissis^f) verborum et^g) gestuum sollempnitatibus debitis et consuetis. Renunciamus etiam circa omnia et singula premissa actioni et excepcioni doli mali et in factum^h), beneficio cuiuslibet restitucionis in integrum contra premissa nobis conpetentes omnique iuris et facti auxilio, quo contra eadem premissa possemus quomodolibet adiuvari, et promittimus fide data nomine iuramenti per sollempnem stipulacionem pro nobis et nostris successoribus supradicte .. abbatisse prefati monasterii stipulanti pro se suoque convento^b) et monasterio predictis omnia et singula prescripta rata et firma inviolabiliter tenere et perpetuo custodire nee in iure nee extra ius contra ea facere vel venire vel facienti aut facientibus contra ea consentire, sed eas contra ea facientes deffendere toto posse, obligantes nichilominus nos et nostros heredes et successores predictis .. abbatisse et conventui et eorum monasterio ad plenam warandam curie prelibate et pertinencium omnium eius necnon omnium et singulorum premissorum et ad quodlibet genus evictionis subeundum, salvo nobis iure, quod vulgariter dicitur wisat, nobis debito de curia prenotata. Et in omnium premissorum evidenciam et perpetui roboris firmitatem presentes litteras supradictis .. abbatisse et conventui et eorum monasterio tradidimus sigillorum nostrorum robore sigillatas. Datum apud⁹ Lutispurg⁶, anno domini M°.CCC°.XVIII°. idus ianuar., indic. prima.

Source Fulltext: Chartularium Sangallense V, Nr. 3010, S. 326-327.