In dem namen vnnsers heren amen. Allen den, die disen brieff lesent oder ho^erent lesen, kunden wir her Hartman der alte vnd ouch her Hartman sin sun von Baldegge¹ rytter, dz wir ze kouffen haind gegeben der a^eptissinen vnd dem conuent ze Maggenowe² dz gůtt ze Fla^vwyle³, dz da haysset in der Gupffe⁴, vmb XXIIj marcke, vnnd dar vmb so sygint wir inen gebunden dz selbe gůtz ze lihen ir lutten oder ze tragende, weders sy wennd, vnnd vff zů geben, wenn sy wennd. Das diß wa^vr sye vnd sta^ett belibe, dar vmb so henngcken wir vnnser baider insigel an disen brieff ze ainem geweren vrkunde. Dirre brieff ward gegeben, do man zalt von gottes gepurt M°CCC° vnnd im XVIII ja^vre, an dem tag des hailigen crutzes, als es funden ward.

Source Fulltext: Chartularium Sangallense V, Nr. 3023, S. 335.